Apocalipsis 6:16 - NandevaBiblia

¹⁶ Hãrã heishu yvyturusure hareka ita vasupe: Pea yrẽãrẽrã ĩrĩñomishi vapyhaseape vapy'õ hỹnondeivi hareka Avisha Ray poshykueivi,

Apocalipsis 6:16 Iomraidhean Croise

Mateo 26:64

Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.

Marcos 3:5

Haipe Jesús poshy ryheve mãĩ jurirã mbyvy'ã pya tãntaĩte retarã, hãma heishu hoka kuimbai: Mysymyĩ ndepo. Ko kuimbai ipo mysymyĩrã, kuera.

Lucas 23:30

Haipe kuaretare õñepyrõpo heishu yvyturusure: “Pea yryrehe”; hareka yvy ñakanduvare: “Yrasoi!”

Apocalipsis 10:6

hareka meẽ ĩñee Tũpa opa ara ikova heepe, arykai japova arare hareka yvy, yyvasu hareka opa mbai ẽpyare hãrã hei: Tũpa hetaveãmapo hãrõ.

Apocalipsis 19:15

Hãrã juruivi õhẽ kyse hãĩmbeva, mbyperepy verã opaite tenta vasure. Pỹrãtape ñumbuhuvishapokui, hãrã haiteipo uva ñami'õvã rãĩmi, he'ise Tũpa ñymbaikatukue ryheve poshyva.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.

Apocalipsis 4:2

Haipevaĩ ahesha Espiritu Santo rupii pente vapyhasepya vate arapy, hokavape ĩme'ẽ vapy'õ.

Apocalipsis 4:5

Hãrã vapyhasepyaivi õhẽ hy'apu verasevea, vapyhasepya hỹnonde 7 tataĩndy hendyva sape, hokava reta hai 7 Tũpa ijespiriture.

Apocalipsis 4:9

Hãma urũndy hykove'iare mbyveteshu, omombaishu hareka jyvy'akue meẽshu vapyhaseape vapy'õ, opa ara hykovejy verãpe,

Apocalipsis 5:1

Vapyhaseape vapy'õ ipo jakata kyty ahesha pente kuatia opa mbapu'ahava, ĩmerea ñee hapype hareka ĩãrẽ hyvavaisho ryheve hareka mbotyha 7 sellope.

Apocalipsis 6:10

Hãrã hỹnatu sapuke reta: Sheja heko kyamba hareka añeteva, mbaiperapo rĩmbivache hareka rỹmyngoviashu reta irijuka'i vekuare yvy ĩãrẽ ikovare?

Apocalipsis 9:6

Hãrã hokava ara retape kuaretare hekapo ñymano katynga vãhẽãposhu; hareka kyrẽ'ỹtẽpo mano, tẽvã ñymano ohoposhi reta.