Apocalipsis 6:11 - NandevaBiblia

¹¹ Hãrã me'ẽhashu reta mondeava tĩĩva hareka he'iashu reta kỹỹmi putuujy verãre, opa manopeve mano verãre Tũpa heepe haire rãĩmi,

Apocalipsis 6:11 Iomraidhean Croise

Mateo 10:21

Ĩmepo'ẽ tyvyre meẽva jukaha verã; terure meẽva tayre jukaha verã; tyrayre pũãpohe tuure juka verã.

Lucas 15:22

Maĩrã tuu heishu jokuehareireare: “Ãrẽ'ãĩte pynohẽ mondeava mashyãva, pymymondeka; piñonohẽ kuairõ ipore, hareka pymymondeka jypasarã!

Juan 16:2

Pymohẽãpokui Judiore ñymbatyseavi, hareka vãhẽpo ara mbava pindijukamarã, mõate haikaviva japova Tũpa pevarã.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

2 Tesalonicenses 1:7

hareka pee pyhasa'asypeĩva, ore rãĩmipo me'ẽã jyvepe putuu. Kova ikopokui Ñandeja Jesús iñandukama tata ryheve vate araivirã, jokuevare mbaikatuva hãndi,

2 Timoteo 4:7

She ñyrãrõpe ãĩrãrõ kavi, japypeve ãñani hareka mapeã apoi airojahe Tũpa.

Hebreos 11:40

Opaite kova mbai iko potãã ñandyrehembape haire vãhẽ pota vãhẽvaperã, shara koñeĩpo Tũpa mbyhaikaviteshu kova kuaretare hai opama ñanymbyhaikaviterã.

Hebreos 12:23

hareka ñymbatyva Tũpa tay tynondevare mbyparahava vate arape. Tũpa teiva piñymbojahe, opavare mbivacheva, hareka piñymboja jyvehe kuaretare je'espiritu vate arape'õre mbyheko kaviamavare,

Hebreos 4:10

Shara hokava putu'uava Tũpa ña'ãpovape icheva, putuushi mbai japovaivi, Tũpa putuuva rãĩmi opa mbaivi.

Apocalipsis 10:6

hareka meẽ ĩñee Tũpa opa ara ikova heepe, arykai japova arare hareka yvy, yyvasu hareka opa mbai ẽpyare hãrã hei: Tũpa hetaveãmapo hãrõ.

Apocalipsis 13:15

Mymba ñarõva mokuehea me'ẽãjyshu mbaikatu meẽshu verã tykove mymba ñarõva tynondeva ha'ãngakue, tarã'ãnga ijeta hareka opa juka tarã'ãnga omombaimbashuare.

Apocalipsis 14:13

Hareka ahendujy pente ñee araivi ouva heisheva: Mbypara: Vy'apo manova koivi kutyve Ñandejare ẽẽva. Ẽẽ, kyrã hei Espiritu, putuumapo opa mbai japovaivi shara japo vekuare ẽẽ hãndi reta.

Apocalipsis 17:6

Haivi ahesha taupe savypo'ipy Tũpa ryhevare huvykue hareka jukaha vekuare Jesús hee myhỹrãkua jyrerã. Aheshama hokavarã mbyry ãmaĩ.

Apocalipsis 7:14

She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.