Biblia Todo Logo
Bìoball air-loidhne

- Sanasan -




Apocalipsis 5:9 - NandevaBiblia

9 Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

Faic an caibideil Dèan lethbhreac




Apocalipsis 5:9
41 Iomraidhean Croise  

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.


Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.


Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.


Shara Tũpa hepyre pyndy'ova; hãme rãnga pemombaiposhu Tũpa pyndyretepe hareka pyndyrykovepe, hokava reta hai Tũpa ryheva.


Tũpa rãnga hepyre pyndy'ova, hãrã avypo mbava pokuereii'i.


Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.


Pijeta ijupiirã pipory ñee ouva Salmovi, hareka heta mbyrahe Espiritu Santoivi ouva pyraheva tũpaope.


hai huvy rupii mbyhepy ñandyrehe ñanynohẽajy verã, hareka hejarei ñandyhevi mbai porãmba jajapo vekua.


Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.


Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.


Shara hokava haire heiva rãĩmi, mbeu kavishuva mbykuaaka pente tenta hekajyreva.


Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.


Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.


Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.


Hãrã heishe reta: “Ñimiñehẽ ñee iko verã henta'õre jaheva, tentavasure, opaite tiñeere hareka huvishavasu retape”.


Hãrã mbahapy ara mbyteipi opaite ñymoñashiare, opaite henta'õre, opaite tiñeere hareka opaite tenta vasure heshapo tyretekue tẽvã ma'ẽĩhãpohe ñoty.


Hareka ñonoãshu ñyrãrõ hãndi verã Tũpa ryhevare hareka jepyhe verã, hareka me'ẽãjyshu mbaikatu opaite kuareta ñymoñashiare, opaite henta'õre, opaite tiñeere hareka tenta vasure ĩãrẽ.


Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.


Hareka aheshajy ynga Tũpa jokueva veve'ia ara vate'õ mbyteipi, ĩmereva opa ara Ñee Kaviva mbeu verã ko opaite tenta vasu retape, opaite ñymoñashia retape, opaite tiñeere hareka ñymoñavare hareka ĩñeevare hareka henta'õre.


Hareka haire pyrahe Moisés Tũpa jokuerea jypyrahe hareka Avisha Ray jypyrahe: Ojaĩã hareka mashyã opava rijapova Sheru Tũpa mbai katukue, heko kavi hareka haikavi ndyrape tentavasure Juhuvisha vasu.


Hãrã Tũpa jokueva heishe: “Yyvasure ryhesha vekua, taupe kyrãrãĩ'ia vapy'õpe, heshaka tentavasure hetava, tentare hetava hareka heta tiñeere.


“Yreja hareka Yreru, ndeñõi ẽẽ nde nemomba'ea verã, he'ia ndyrehe haikaviteva hareka ñymbai katuiteva; shara nde opa rijapo opa maĩnungare, nde ripotava rupii iko hareka japoha reta”.


hỹnatu sapukerã hei reta: “Avisha Ray jukaha vekua ẽẽshu pysyma verã mbaikatu hareka ikokatukue, ãrãndu hareka pyrãtakue, mbyveteha verã, õmomba'eha verã hareka pyraheashu verã”.


Haivi ahesha vapyhaseape, urũndy ĩmeĩteri'iare hareka karai kuakuavare mbytepe, ñymbo'y'ẽ pente Avisha Ray jukahava rãĩmi vekua 7 ijuu ĩmere hareka 7 hesa, hareka hesare hai 7 Tũpa ijespiritu mondoha vekua oparupi yvy'ĩãrẽ.


Lean sinn:

Sanasan


Sanasan