Apocalipsis 5:6 - NandevaBiblia

⁶ Haivi ahesha vapyhaseape, urũndy ĩmeĩteri'iare hareka karai kuakuavare mbytepe, ñymbo'y'ẽ pente Avisha Ray jukahava rãĩmi vekua 7 ijuu ĩmere hareka 7 hesa, hareka hesare hai 7 Tũpa ijespiritu mondoha vekua oparupi yvy'ĩãrẽ.

Apocalipsis 5:6 Iomraidhean Croise

Lucas 1:69

Mbou ñande pente ñymbai katupe ñanymondo jepe'i verã, huvisha vasu David ñymõñashia mbyteivi jokueva.

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Juan 1:36

Heshama Jesús haipi hasa ohorã, Juan hei: “Pymãĩhe, hokava hai Tũpa Avisha Ray!”

Hechos 8:32

Mbyparahava mbijeta'ẽvã hai kova: Avisha Ray rãĩmimba rahaha jukaha verã; hareka ko avisha ray rãĩmi jasakava opaite piro ñonovare hỹnonde, haipemba mbai heiva.

Apocalipsis 1:4

She Juan, amymarãndu 7 tũpaore ẽvã Asiape: Pymyvãhẽ jyhaihukue hareka pyavapy ouva, haiñoĩva hareka haiva, hareka ou verã, hareka 7 espiritu ẽvã hai vapypya hỹnonde,

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 14:1

Haivi amaĩrã, aheshajy Avisha Ray ñymboy'ẽ ñana'õ Sionpe, haipe õĩ hãndi 144.000 ĩmereva Avisha Ray hee hareka Tuu hee mbyparava syvare.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 21:22

Tenta hapype aheshãa tũpao, shara Teja, Tũpa ñymbaikatuva hareka Avisha Ray haitei tũpao.

Apocalipsis 21:23

Hareka tenta vasu ikoteveãhe kuarasy hareka jasy mykoĩ'ĩãrẽ verã, shara Tũpa hĩmbipekue sape'ẽhe hareka Avisha Ray hai ñymbai sapeka.

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;

Apocalipsis 22:3

Hoka tentape mba'etymapo jypejuva. Haipepo'ẽkui Tũpa vapypya hareka Avisha Ray, Tũpareĩ jyroja'iare mbyvetepokui.

Apocalipsis 4:8

Kova urũndy hykove'iare 6 kavi hypepo reta pepenteĩ, hesare oparupi ẽẽshu, opa ara hareka pyhare pyraherã hei: Santo, santo, santo, hai Teja Tũpa ñymbai katuva, hai hykoveñoĩ'ia, hykoveva hareka oujy verã.

Apocalipsis 5:11

Haivi ahendu Tũpa jokuevare ĩñee hetava vapyhasepya juri, hykove'ia reta hareka kuakuavare,

Apocalipsis 5:12

hỹnatu sapukerã hei reta: “Avisha Ray jukaha vekua ẽẽshu pysyma verã mbaikatu hareka ikokatukue, ãrãndu hareka pyrãtakue, mbyveteha verã, õmomba'eha verã hareka pyraheashu verã”.

Apocalipsis 5:13

Haivi ahendu opaite japoha vekuare vate arapy, yvy'ĩãrẽ, yvy'ipe hareka yyvasu'ipe hareka ẽẽpyare heirã: Vapyhapyape vapy'õ hareka Avisha Ray pyraheashu, typyraheashu, tomomba'eha hareka mbaikatukuepe, opa arape.

Apocalipsis 5:14

Haipe urũndy hykove'iare hei reta: Kyrãpokui! Haivi 24 kuakuavare ĩñesu hareka omombai reta.

Apocalipsis 6:16

Hãrã heishu yvyturusure hareka ita vasupe: Pea yrẽãrẽrã ĩrĩñomishi vapyhaseape vapy'õ hỹnondeivi hareka Avisha Ray poshykueivi,