Apocalipsis 4:8 - NandevaBiblia

⁸ Kova urũndy hykove'iare 6 kavi hypepo reta pepenteĩ, hesare oparupi ẽẽshu, opa ara hareka pyhare pyraherã hei: Santo, santo, santo, hai Teja Tũpa ñymbai katuva, hai hykoveñoĩ'ia, hykoveva hareka oujy verã.

Apocalipsis 4:8 Iomraidhean Croise

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

2 Corintios 6:18

Pee pevarã shepo haikui Teru, hãrã pee haipokui shyrayre hareka shyrajyre. Kyrã hei Ñandeja opaite mbaikatu ĩmereva.

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

1 Timoteo 4:16

Ñyngareko ndijehe marãra riko hareka rypyrỹmboi, jytaso katu kova mbaipe.

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

Hebreos 13:8

Jesucristo rãnga hai ka'ãmeva, ã'ẽva hareka opa ara pevarã.

Apocalipsis 1:4

She Juan, amymarãndu 7 tũpaore ẽvã Asiape: Pymyvãhẽ jyhaihukue hareka pyavapy ouva, haiñoĩva hareka haiva, hareka ou verã, hareka 7 espiritu ẽvã hai vapypya hỹnonde,

Apocalipsis 1:8

She hai jypy hareka japyhea, õñepyrõhea hareka japyhea, hei Tũpa ñymbai katuveva, hykove'ia, hykoveñoĩ'i vekua hareka ouserimava.

Apocalipsis 11:17

haire hei: Me'ẽha nde yry'ajetekue Yreja, Tũpa opa nymbaikatuva, haiñoĩva hareka haiva, hareka ou verã. Shara ndepopemaryre nymbaikatukue hareka reñepyrõma huvisharãrẽĩ ko yvy'ĩãrẽ.

Apocalipsis 14:11

Hareka jyhasa'asy hãtãtikuere jupi oho'ẽ opa ara. Mymba ñarõva hareka ha'ãnga omombaiva, putuveamapo arape hareka pynturã, opaĩ hai hee ñonokavare.

Apocalipsis 14:3

Hareka pyrahe reta mbyrahe py'ahuva mburuvisha vasu vapypya hỹnonde hareka urũndy hykovevare hỹnonde hareka kuakuavare hỹnonde, hareka mba'ety katuva mbyrahe, koñeĩ 144.000 opa mondoajepevare ko yvy ĩãrẽ.

Apocalipsis 15:3

Hareka haire pyrahe Moisés Tũpa jokuerea jypyrahe hareka Avisha Ray jypyrahe: Ojaĩã hareka mashyã opava rijapova Sheru Tũpa mbai katukue, heko kavi hareka haikavi ndyrape tentavasure Juhuvisha vasu.

Apocalipsis 15:7

Hareka penteva urũndy hykove'ia reta pãũvi memeẽshu 7 Tũpa jokuevare kopa ita vera ijuva, tynyheva Tũpa poshykue hykove'ia opa ara.

Apocalipsis 16:14

Kova reta hai espiritu añare ryheva japova heshaha verã, õhẽ mbaty verã opaite yvy'ĩãrẽ'õ mburuvisha vasure Tũpa Opa ñymbaikatuva ñyrãrõ hãndi verã vãhẽma Tũpa pirĩmbivacheka jy'ararã.

Apocalipsis 16:7

Ahendujy pente ñee altarvive heiva: “Ẽẽ, Sheja Tũpa ñymbai katuva añetevape rãnga rĩpirĩmbivacheka hareka hekope kavi”.

Apocalipsis 19:15

Hãrã juruivi õhẽ kyse hãĩmbeva, mbyperepy verã opaite tenta vasure. Pỹrãtape ñumbuhuvishapokui, hãrã haiteipo uva ñami'õvã rãĩmi, he'ise Tũpa ñymbaikatukue ryheve poshyva.

Apocalipsis 19:4

Hãrã 24 kuakuavare hareka urũndy hykove'iare jyroa reta yvypeve omombai reta Tũpa vapyhasepyape vapy'õ, hei: “Amén, Aleluya!”

Apocalipsis 21:22

Tenta hapype aheshãa tũpao, shara Teja, Tũpa ñymbaikatuva hareka Avisha Ray haitei tũpao.

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

Apocalipsis 4:4

Hãrã vapyhasepya jerevejyhe 24 vapyhasepya hareka hokavape vapyñynoĩ 24 kuakuavare tĩĩvapy ñymondeare tankare ñonoava ita vera ijuva ñaka retare.

Apocalipsis 4:6

Hãrã vapyhasepya hỹnonde ẽẽjy pente yyvasu mbai sãka jykuapyva rãĩmi. Vapyhasepya mbytepe hareka jerehapya, ẽẽ urũndy hykove'iare tyresare ĩmerea hetere hỹnonde hareka haykue.

Apocalipsis 4:9

Hãma urũndy hykove'iare mbyveteshu, omombaishu hareka jyvy'akue meẽshu vapyhaseape vapy'õ, opa ara hykovejy verãpe,

Apocalipsis 5:6

Haivi ahesha vapyhaseape, urũndy ĩmeĩteri'iare hareka karai kuakuavare mbytepe, ñymbo'y'ẽ pente Avisha Ray jukahava rãĩmi vekua 7 ijuu ĩmere hareka 7 hesa, hareka hesare hai 7 Tũpa ijespiritu mondoha vekua oparupi yvy'ĩãrẽ.

Apocalipsis 6:1

Ahesha pente Avisha Ray pea tynondehea 7 sello'õ hareka ahendujy penteva urũndy hykove'iare sapukerã hy'apuva rãĩmi, hei: Ei maĩhe!

Apocalipsis 6:6

Ahendu urũndy kuerateri'iare mbyteivi pente ñee heiva: Ã'ẽ pente kilo trigo maĩrã mbahapy kilo avatiku'i pente ara mbyhepyapyva, tẽvã asaite hareka vino hepy avy hupi.

Apocalipsis 7:11

Opaite Tũpa jokuevare ñymbou jerehe vapyhasepya, hareka kuakuavare hareka urũndy kuareta hykove'iare. Haire jyroa vapyhasepya hỹnonde mbojapeve syvare yvyre hareka omombaivasu reta Tũpa.

Apocalipsis 7:15

Hãme rãnga ã'ẽ haire ẽẽ Tũpa vapypya hỹnonde, ara hareka pyhare ijokueka ñynõishu jytũpaope, Tũpa ẽẽpo hãndi reta hareka ñyngarekopohe.