Apocalipsis 4:4 - NandevaBiblia

⁴ Hãrã vapyhasepya jerevejyhe 24 vapyhasepya hareka hokavape vapyñynoĩ 24 kuakuavare tĩĩvapy ñymondeare tankare ñonoava ita vera ijuva ñaka retare.

Apocalipsis 4:4 Iomraidhean Croise

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Lucas 22:30

pykaru verã hareka pimbyu verã jyve shymesape avapyape. Haivi pyvapypo mburuvisha vasu vapypyape, pimbivachekashu verã 12 kavi'õ tenta Israelvare.

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

Apocalipsis 11:16

Hãrã 24 kuakuavare vapy'ẽva vapypyape Tũpa hỹnonde, ĩñesu reta syva mbojapeve yvyre hareka omombaishu reta,

Apocalipsis 14:3

Hareka pyrahe reta mbyrahe py'ahuva mburuvisha vasu vapypya hỹnonde hareka urũndy hykovevare hỹnonde hareka kuakuavare hỹnonde, hareka mba'ety katuva mbyrahe, koñeĩ 144.000 opa mondoajepevare ko yvy ĩãrẽ.

Apocalipsis 19:14

Oho haykue syndaro vate arape'õre, kavaju tĩĩvare'iare, ñymonde mondeava pyrẽrĩvapy, tĩĩva hareka kyamba.

Apocalipsis 19:4

Hãrã 24 kuakuavare hareka urũndy hykove'iare jyroa reta yvypeve omombai reta Tũpa vapyhasepyape vapy'õ, hei: “Amén, Aleluya!”

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.

Apocalipsis 4:10

hokava 24 kuakuavare ĩñesu Tũpa hỹnonde hareka omombai reta opa ara hykovevape, tankare ñonoava mombo reta vapyhasepya hỹnonderã, hei:

Apocalipsis 4:6

Hãrã vapyhasepya hỹnonde ẽẽjy pente yyvasu mbai sãka jykuapyva rãĩmi. Vapyhasepya mbytepe hareka jerehapya, ẽẽ urũndy hykove'iare tyresare ĩmerea hetere hỹnonde hareka haykue.

Apocalipsis 5:11

Haivi ahendu Tũpa jokuevare ĩñee hetava vapyhasepya juri, hykove'ia reta hareka kuakuavare,

Apocalipsis 5:14

Haipe urũndy hykove'iare hei reta: Kyrãpokui! Haivi 24 kuakuavare ĩñesu hareka omombai reta.

Apocalipsis 5:6

Haivi ahesha vapyhaseape, urũndy ĩmeĩteri'iare hareka karai kuakuavare mbytepe, ñymbo'y'ẽ pente Avisha Ray jukahava rãĩmi vekua 7 ijuu ĩmere hareka 7 hesa, hareka hesare hai 7 Tũpa ijespiritu mondoha vekua oparupi yvy'ĩãrẽ.

Apocalipsis 5:8

Hekyma kuatiarã, urũndy hykoveteri'iare hareka 24 kuakuavare ĩñesu Avisha Ray hỹnonde, pepenteĩ ipopere arpa hareka vaso ita vera ijuva tynyhẽ'õ mbai pishekatuva, hokava he'ise Tũpa ryhevare jurureva.

Apocalipsis 6:11

Hãrã me'ẽhashu reta mondeava tĩĩva hareka he'iashu reta kỹỹmi putuujy verãre, opa manopeve mano verãre Tũpa heepe haire rãĩmi,

Apocalipsis 7:11

Opaite Tũpa jokuevare ñymbou jerehe vapyhasepya, hareka kuakuavare hareka urũndy kuareta hykove'iare. Haire jyroa vapyhasepya hỹnonde mbojapeve syvare yvyre hareka omombaivasu reta Tũpa.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.

Apocalipsis 9:7

Hãrã hokava tukure ova kavajure myhẽvãha'õ ñyrãrõ pevarã, ñakãre ĩmere reta tankare ñonoava ita vera ijuva rãĩmiva, hareka hovare kuareta hovare rãĩmi.