Apocalipsis 3:8 - NandevaBiblia

⁸ Opa aikua rijapova. Kope apeande pente õche mbavamba katu mbotyva hareka ajema nypyrãta nungambatẽva rijapo shiñee hareka rĩñomiãjy shyree.

Apocalipsis 3:8 Iomraidhean Croise

Lucas 12:9

Tẽvã ĩme'ẽ shiñomiva kuaretare hỹnonderã, ñomihapo jyvekui Tũpa jokuevare hỹnonde.

Juan 15:20

Pynymanduahe kova she hai pee vekua: “Mba'ety jokueharea vateve'ẽshia jokue'õ”. Hãrã pũã shyrehe retarã, pũãñoĩpo jyve pyndyrehe. Hãrã she haiva haire japorã, pee pereshuva japoñoĩpo jyve.

Juan 17:6

Opaiteva nde rỹmeẽshe vekua kuaretare mbyteivi aikuaakashu reta mbavara nde. Hai reta rãnga na'ãpo vekuare hãrã rỹmeẽshe, hãme rãnga haire japo niñee.

Hechos 14:27

Vãhẽ reta Antioquiaperã mbatyshu tũpaope'õ reta hãrã mbeushu reta opa mbai Ñanderu Tũpa japo vekua haire ipo rupii hareka marãra mbory iche verã ynga tenta haimba Judiore retaipi haire jyroja verã jyve.

1 Corintios 16:9

Shara õche jypea kavi'ẽshe amba'apo verã, ajemaĩ hetatẽ'ẽ shyreshatambare.

2 Corintios 2:12

Ãvãhẽ aha Tróaspe ambeu verã Ñee kaviva Cristo ryhevarã, ẽẽshe amba'apohe verã Ñandeja.

Filipenses 4:13

Opa mbai katu ajapo Cristo rupii, hai shymypỹrãtase'ia.

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

1 Timoteo 5:8

Opaite mborymbava hentarã, tynondeite'ẽ hoope'õre, ñomi jyrojakue hareka heko porã'ãĩteveshi Jesús jyrojambateriheare.

2 Timoteo 4:7

She ñyrãrõpe ãĩrãrõ kavi, japypeve ãñani hareka mapeã apoi airojahe Tũpa.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

Apocalipsis 2:13

She rãnga aikuaa Satanás vapyape rikorirã. Hareka ndysareã shyrehe, rirojañoĩ shyrehe, ara Antipas añeteĩte shyreshava jukaha pynymbyteperã, Satanás ikovape.

Apocalipsis 2:2

She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.

Apocalipsis 22:7

Pyhendu! “Aijyserima! Vy'apo henduva hareka japova ñee iko verã mbyparahava ko kuatiape”.

Apocalipsis 3:1

Mbypara jyveshu Tũpa jokueva tũpao Sardispe'õ: Kyrã hei 7 Tũpa Espiritu ĩmerea hareka 7 jasytata: She aikuaa rijapo vekua hareka aikuaa jyve rỹmanorã ajemaĩ oparupi nymbe'uha rĩmeĩteririva.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.

Apocalipsis 3:15

She aikuaa rijapova, nyry'ỹsãã hareka ndyrakuã. Potaiti nyrỹ'ỹsa maĩrã ndyraku!

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.