Apocalipsis 3:7 - NandevaBiblia

⁷ Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

Apocalipsis 3:7 Iomraidhean Croise

Mateo 16:19

Ameẽpo nde huvisha vasu vate arapy'õ, oo pe'ahapyare. Opa rĩñapĩntiva ko yvy'ĩãrẽ, ñapĩntihapo jyve vate arapy, hãrã rijorava ko yvy'ĩãrẽ, jorahapo jyve vate arapy.

Mateo 24:35

Ara hareka yvy opapokui, tẽvã shiñee opããpokui.

Marcos 1:24

“Mbaivara ripota yryhevi, Jesús Nasareno? Reira opa irijuka verã? She arykuaa mbavara nde, nde hai Tũpa mbouva, heko Kyamba!”

Lucas 1:32

Hai mbaivasupo hareka mbyheeaposhu Tũpa Tay vateve'õ; hãma Tũpa Teja japoposhi Mburuvisha vasu, tynondeshivare David rãĩmi.

Lucas 4:34

Mã'ẽi yryrehe! Marã'irãra rỹmai yryrehe Jesús Nazareno? Reirapo opa õrẽhũndi? She arykuaa mbavara nde: Nde hai heko kyambava Tũpa mbouva!

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Hechos 3:14

Tẽvã pee piñomi heko Kyambava hareka hekope kavi'ia, haivi hendakuepe pirure poiashi verã Barrabas, puruka'ia.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 15:3

Hareka haire pyrahe Moisés Tũpa jokuerea jypyrahe hareka Avisha Ray jypyrahe: Ojaĩã hareka mashyã opava rijapova Sheru Tũpa mbai katukue, heko kavi hareka haikavi ndyrape tentavasure Juhuvisha vasu.

Apocalipsis 16:7

Ahendujy pente ñee altarvive heiva: “Ẽẽ, Sheja Tũpa ñymbai katuva añetevape rãnga rĩpirĩmbivacheka hareka hekope kavi”.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

Apocalipsis 19:2

Shara Tũpa pirĩmbivacheka hekopekavi hareka añetevape. Shara nupa kyrãrãĩ'ia ojaimbava opa mbyheko porãã opaite ko yvy jerekue heko kyrãrãĩ'i vekuapy. Tũpa jepyjyvehe mba'apo'ishuare opa juka'irã.

Apocalipsis 2:1

Mbyparashu Tũpa jokueva tũpao Éfesope'õ: Kyrã hei 7 jasytata ipo jakataperea, hareka ikova 7 tataĩndy hyru ita vera ijuva mbyteipi:

Apocalipsis 21:5

Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.

Apocalipsis 4:8

Kova urũndy hykove'iare 6 kavi hypepo reta pepenteĩ, hesare oparupi ẽẽshu, opa ara hareka pyhare pyraherã hei: Santo, santo, santo, hai Teja Tũpa ñymbai katuva, hai hykoveñoĩ'ia, hykoveva hareka oujy verã.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

Apocalipsis 6:10

Hãrã hỹnatu sapuke reta: Sheja heko kyamba hareka añeteva, mbaiperapo rĩmbivache hareka rỹmyngoviashu reta irijuka'i vekuare yvy ĩãrẽ ikovare?