Apocalipsis 3:5 - NandevaBiblia

⁵ Opa õhẽkaviva ñyrãrõivi, mondepokui mondeava tĩĩva hareka ambaiãpokui hee kuatia tykove ẽẽpyvaivi, heere ambeupo jyveshu Sheru hareka Tũpa jokuevare hỹnonde:

Apocalipsis 3:5 Iomraidhean Croise

Mateo 10:32

Ĩmerãẽva mbeuva kuaretare hỹnonde shyrehe jyrojava, ambeupo jyveshu Sheru vate arapy'õ hỹnonde.

Lucas 10:20

Tẽvã avy pyvya mbaiposhyre japo pee pereshuavarã, pyvy'apo jyve pyndyree ñonohãma vate arapy Tũpa ẽvãperã”.

Lucas 12:8

She hai pee, opaite shymbeuva kuaretare hỹnonde, ko kuareta Tay mbeupo jyvekui Tũpa jokuevare hỹnonde.

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Apocalipsis 19:8

Tũpa mymondekama mondehava pyrẽrĩva, kyambava hareka hĩmbipeva. Kova mondeava pyrẽrĩva he'ise Tũpa ryhevare kyambare hekopekavi japo vekua”.

Apocalipsis 2:11

Japysava tyhendu Espiritu heiva tũpao retape: Opa õhẽkaviva ñyrãrõivi hasaveãmapo ñymano mokuehea.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

Apocalipsis 20:12

Ahesha jyve opa mano vekuare, ndeiva hareka sanjaymba, ñymboy ñynoĩ reta Tũpa hỹnonde; haivi pe'aha kuatiare. Pe'aha jyve yngava kuatia, haiva kuatia tykove ryheva. Mano vekuare mbivachehakahe kuatiape mbyparahaheva rãĩmi.

Apocalipsis 20:15

Hareka heere ñonohãmbaa kuatia tykove ryhevape, momboha reta tata vasupe.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.

Apocalipsis 22:19

Ĩme'ẽ ñee iko verã ko kuatiape'õ hekyshiãrã, Tũpa hekyposhikui tykove ryheva kuatia'ẽvaivi, hareka ma'ẽĩapohe icheve tenta kyambape, heiva rãĩmi kova mbyparahavape.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.

Apocalipsis 3:4

Tẽvã Sárdispe mbovyĩ'ẽ mondeva myngyambavare, hãrã hokavare mondeva tĩĩva ryhevepo iko shendie, shara kyrã'ẽ jyveshu retarã.

Apocalipsis 6:11

Hãrã me'ẽhashu reta mondeava tĩĩva hareka he'iashu reta kỹỹmi putuujy verãre, opa manopeve mano verãre Tũpa heepe haire rãĩmi,