Apocalipsis 3:21 - NandevaBiblia

²¹ Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.

Apocalipsis 3:21 Iomraidhean Croise

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Lucas 22:30

pykaru verã hareka pimbyu verã jyve shymesape avapyape. Haivi pyvapypo mburuvisha vasu vapypyape, pimbivachekashu verã 12 kavi'õ tenta Israelvare.

Juan 13:32

Hãrã she aheshaka Tũpa pyrãtãkuerã, Tũpa heshakapo jyve marãra shypyrãta, hareka areãpo kyrã japokui.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

2 Timoteo 2:12

jyhasa'asykue jahasa kuaarã, ñaĩmepo hãndi hai ẽvãpe, ñañomi jareshurã hai ñanomipo jyve,

Apocalipsis 1:6

hai japo ñandyhevi mburuvisha vasu hareka paire, ñamba'apo verã Tũpa pevarã, haiva Jesucristo Tuu. Hĩmbipekue hareka mbaikatu ña'ãporãpo opa ara!

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Apocalipsis 20:6

Vyapo reta heko kyamba ñytynonde hykovejy verãre. Ñymano mokuehea jepyveãmapohe reta, koñeĩ pai ruvisha Tũpa ryhevaĩmapo hareka Cristo, hãrã mburuvisharãpo'ẽ hãndi 1.000 ãño.

Apocalipsis 5:10

Hareka Tũpa pevarã rijapo yryhevi mburuvisha vasu hareka paire, huvisha vasurãre iko yryhevi verã ko yvy'ĩãrẽ”.

Apocalipsis 6:2

Amaĩrã, ahesha pente kavaju tĩĩva. Hãrã ĩãrẽ vapy'ia veru ipope pente vyrapa, haivi me'ẽãshu pente tankare ñonoava, hareka õhẽkavi ñyrãrõivi hareka hykuaĩ õhẽkavijy verã ñyrãrõivi.

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.