Apocalipsis 3:17 - NandevaBiblia

¹⁷ Tẽvã nde rere rikokatuva, opa mbai ohokavindea, tẽvã rikuãã rymondo ndijehe rymbasy verã hareka mbai mba'etyape, ndypavete, ryheshamba kũvaĩpi hareka nynaniã.

Apocalipsis 3:17 Iomraidhean Croise

Mateo 5:3

Vy'apo reta je'espiritupe pavete'ia, shara haire pevãrã hai huvisha vasu vate arapy'õ.

Mateo 9:12

Jesús hendu fariseore heivarã heishu: Mambaimba'ia ikotẽvẽãhe pyrỹpỹhãno'iare; koñeĩ ñymbairasy'ivaĩ.

Lucas 1:53

Hãrã ñymbahyvape meẽ mbaikaviva, hãrã iko katuvare iporãĩ mondojy.

Lucas 6:24

Tengapope piko katuva, ã'ẽvaĩ pyvya peĩva!

Romano 11:20

Haikavi, opa jasyjaha reta shara jyrojãã reta, hareka nde tanta rẽĩ jyrojakuepe. Hãrã avypo riroja ndijehekui; koñeĩ jyrykyje.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

Romano 7:24

Shymbypavete'i! Mbarapo hekyshyhevi kova ñymanokue ẽvã shyretepe?

2 Pedro 1:9

Shara kova mba'etyreva hãĩ heshamba kuvãĩpia maĩrã hesha kavimbaa. Hãĩ sareshiva mbai porãmbare kurimba vekua hejahareishuva.

Apocalipsis 16:15

Pymaĩ, manarõ'ia rãĩmipo aijy. Vy'apo shy'ãrõ õva hareka mondea natuva, mahẽ nanitei vãhẽashukui hareka heshaha ñynoti.

Apocalipsis 2:9

She aikuaa rijapo vekuare, ryhasa'asyvare hareka ndypavetekuepe, ndy espiritupe rikokatutẽva. Aikuaa marãra ijeta porãã ndyrehe Israelitare hei'i ijehevare tẽvã ha'ẽã, koñei Satanás ñymbatyse'õ retape hai.

Apocalipsis 3:16

Tẽvã ndyraku javeĩrirã hareka nyrỹ'ỹsãã maĩrã ndyraku'ãĩteirã, ãvẽẽjypo ndyrehekui.