Apocalipsis 3:15 - NandevaBiblia

¹⁵ She aikuaa rijapova, nyry'ỹsãã hareka ndyrakuã. Potaiti nyrỹ'ỹsa maĩrã ndyraku!

Apocalipsis 3:15 Iomraidhean Croise

Mateo 10:37

Tuu hareka ishy haihuve shyheviva, katuãpo ikoshi sha'ãporã. Ĩme'ẽ haihuve shyheviva tay hareka tajy, katuãpo ikoshi sha'ãporava.

Mateo 24:12

Oparupipo ẽẽ mbai porãmba vekua, hãrã mba'etymapo jyhaihuva, ijaihuva rãĩmi.

Mateo 6:24

Mbavẽãpo ijokuekashu mõkue ija pyrokue'ia. Mỹmorããpo penteva, tẽvã ĩrũpo haihuve; maĩrã japoveposhu penteva heishuva, tẽvã ĩrũpo mymorãã. Hãrã katuããpo Tũpa jairojatẽheva, jahaihujy kyrypoti.

Romano 12:11

Kyrẽ'ỹpe pymba'apo hareka avypo pate'ỹ. Pymba'apo Tũpa pevarã, kyrẽ'ỹpe.

1 Corintios 16:22

Ĩme'ẽ haihumbava Ñandeja Jesucristorã, toahe Ñandeja ĩñee pohyva! Ñandeja ouserima.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

Filipenses 1:9

Hãrã kova airure shiñymboipe, jyhaihu ĩmepyreva pynytynyhẽve peo verã, hetave opa mbai kuaakuepy hareka hendape kavi pimbijiche verã maĩnunga,

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

Santiago 1:8

shara ã'ẽ pya mbijetahe pente mbairã, paree yngaima heijy, pente hendapeã'ẽ opa mbai japovare.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

Apocalipsis 2:2

She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.

Apocalipsis 2:4

Tẽvã ĩme'ẽ pente mbai rijapo porãmba; shyraihu nungaveãma jypyite shyraihu vekua rãĩmi.

Apocalipsis 3:1

Mbypara jyveshu Tũpa jokueva tũpao Sardispe'õ: Kyrã hei 7 Tũpa Espiritu ĩmerea hareka 7 jasytata: She aikuaa rijapo vekua hareka aikuaa jyve rỹmanorã ajemaĩ oparupi nymbe'uha rĩmeĩteririva.

Apocalipsis 3:16

Tẽvã ndyraku javeĩrirã hareka nyrỹ'ỹsãã maĩrã ndyraku'ãĩteirã, ãvẽẽjypo ndyrehekui.