Apocalipsis 22:6 - NandevaBiblia

⁶ Tũpa jokueva heishe: “Kova ñee hai añetevare hareka katu jairojaheva. Teja rãnga hai meẽ vekua Espiritu Tũpa ĩñee mbeu'ia retape, mbou hai jokueva mbyheshaka verã jokuerea retape ikoserimava”.

Apocalipsis 22:6 Iomraidhean Croise

Mateo 13:41

Ko kuareta Tay, mondopokui jokuevare. Haire mbatypo hareka hekyposhi opaite tentavasu ryhevare, mbai porãmba japoka'iare hareka hapisha ity'iare porãmbape.

Lucas 1:70

Kova hai mbe'uka ñandea Tũpa ĩñee mbeu'ia heko kyamba arykaivare rupĩĩ:

Lucas 16:16

Moisés mbypara vekua, hareka Tũpa ĩñee mbeu'iare hei vekua japoa verã vãhẽ Juan arapeve; haivive mbe'uhajy Tũpa ẽvãpe'õ ryheva ñee kavi, hãrã opaite õñehãã pota pyrãtakuepe ichepyrã.

Hechos 12:11

Pedro kuaama mondo ikovarã hei: Ã'ẽ aikuama ãñete Ñandeja mbou jokueva shyreka hareka shynohẽjy verã Herodes ipoivi, hareka opa mbai Judiore japotẽ shyrehe verã.

Hechos 3:18

Tẽvã Tũpa kyrã japo opa iko verã Tũpa ĩñee mbeu'iare rupii mbeu vekua; Mesia manoñõĩ verã.

Romano 1:2

Hai ĩñee meẽmaĩmba hokava Ñee Kaviva Tũpa ĩñee mbeu'iare rupii Mbyparahavare kyambavapy.

1 Corintios 14:32

Tũpa ñymbaikatukuepy ñimiñee'ia, ijijokokuapo.

1 Corintios 7:29

Shyryvyre, aipota hai peeva rãnga hai kova: Mbovy araĩma hemby'ẽ ñande. Hãme rãnga omendavare tiko omendambava rãĩmi;

2 Tesalonicenses 1:7

hareka pee pyhasa'asypeĩva, ore rãĩmipo me'ẽã jyvepe putuu. Kova ikopokui Ñandeja Jesús iñandukama tata ryheve vate araivirã, jokuevare mbaikatuva hãndi,

Hebreos 12:9

Hareka jyve ñanderure ko yvy'ĩãrẽ ñanunupamba jyve ñanyndeiterirã, hareka jajapombashu heivare. Marã'ĩrãra Tũpa heiva jajapoãpo jyveshu, ñane'ãkue Tuu, ĩmejare verã tykove opambava?

2 Pedro 1:21

Shara Tũpa ĩñee mbeu'iare mapeãmba ijuhuvireii ñimiñee reta. Koñeĩ kuareta pyhyrõavare Tũpa heepeimba ñimiñee reta Espiritu Santo mboivare rãĩmi.

2 Pedro 3:2

Pynymanduahe arykai Tũpa ĩñee mbeu'ia heko kyambavare hareka ñeẽ japoa verã Ñandeja ña'ãpova hareka Pyrỹmondojepe'ia apostolre rupii.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,

Apocalipsis 18:20

Ryvy'apo nde ara vate'õ, pyvy'apo jyve pee heko kyambare, apostolre hareka Tũpa ĩñee mbeu'iare, shara Tũpa nũpamarã, japomape ñimbivacheva ryheva.

Apocalipsis 19:9

Tũpa jokueva heishe: Mbypara kova: “Vy'apo opaite hẽnohakavare Avisha Ray omendavape”. Haivi heishe: “Kovare hai ñee añeteva Tũpa ryheva”.

Apocalipsis 21:5

Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.

Apocalipsis 21:9

Haivi ou penteva 7 Tũpa jokuevare 7 copa ĩmereva tynyhe'õ koñemahe verã mbairasy porãmba, hareka heishe: “Ei kope; ãrỹmbyheshakapo tyrekorã, Avisha Ray hyrekorãpokui”.

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;

Apocalipsis 22:16

Jesús hei: “Amondo ajokueva, kova mbai tũpao retaipi hei verã. She rãnga huvisha vasu David ñymoñashi vekua; She hai jasytata kõĩ'ourã sapeva”.

Apocalipsis 22:7

Pyhendu! “Aijyserima! Vy'apo henduva hareka japova ñee iko verã mbyparahava ko kuatiape”.

Apocalipsis 4:1

Haivima amaĩjy vate araperã ahesha pente õche jypeava. Hãrã ñee tynondeite ahendu vekua trompeta rãĩmiva, heishe: Jupi kope ambishakaponde iko verã.