Apocalipsis 22:3 - NandevaBiblia

³ Hoka tentape mba'etymapo jypejuva. Haipepo'ẽkui Tũpa vapypya hareka Avisha Ray, Tũpareĩ jyroja'iare mbyvetepokui.

Apocalipsis 22:3 Iomraidhean Croise

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 13:32

Hãrã she aheshaka Tũpa pyrãtãkuerã, Tũpa heshakapo jyve marãra shypyrãta, hareka areãpo kyrã japokui.

Juan 14:3

Ahajyma opa ãñono kavi pynyrẽndarãrãpo aijy apyryrahakui, jaiko pãvẽĩ verã she aikovape.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Apocalipsis 7:10

Hareka hỹnatu sapuke retarã hei: Ñymondojepeva ou ñanu Tũpaivi vapyhasepyape vapy'ẽ, Avisha Rayvi jyve.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.