Apocalipsis 22:19 - NandevaBiblia

¹⁹ Ĩme'ẽ ñee iko verã ko kuatiape'õ hekyshiãrã, Tũpa hekyposhikui tykove ryheva kuatia'ẽvaivi, hareka ma'ẽĩapohe icheve tenta kyambape, heiva rãĩmi kova mbyparahavape.

Apocalipsis 22:19 Iomraidhean Croise

Lucas 11:52

Tengapope Moisés mbypara vekua pyrỹmboi'iheare! Piiñimbi'ijapihe mbai kuaakue pe'ahapyarerã; peemba picheva hareka pyma'ẽĩãhe iche yngavare.

Apocalipsis 1:3

Vy'apo mbijetava Tũpa ĩñee hareka henduvare ko ñee iko verã, hareka japova, shara vãhẽmapo ara iko verãpe.

Apocalipsis 11:2

Tẽvã tũpao mangorava katoape'õ avy myhã'ãngahe, shara hokava me'ẽhashu Judiombare, haire pypyrõpohe tenta kyamba Jerusalen mbahapy ãño hareka ova jasyheape.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 14:13

Hareka ahendujy pente ñee araivi ouva heisheva: Mbypara: Vy'apo manova koivi kutyve Ñandejare ẽẽva. Ẽẽ, kyrã hei Espiritu, putuumapo opa mbai japovaivi shara japo vekuare ẽẽ hãndi reta.

Apocalipsis 2:11

Japysava tyhendu Espiritu heiva tũpao retape: Opa õhẽkaviva ñyrãrõivi hasaveãmapo ñymano mokuehea.

Apocalipsis 2:26

Opaite õhẽkaviva ñyrãrõivi hareka japova aipotava ara japyapeve, ameẽposhu mbai katukue reko verã tentavasu retare,

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

Apocalipsis 21:2

Hareka aheshajy tenta kyamba, Jerusalen py'ahuva, vate araivi vejyva, Tũpa ẽvãivi, myhẽvãhava tyrekorã ñymymashiãva, temerã vãhẽma ourã pevarã.

Apocalipsis 21:5

Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.

Apocalipsis 22:12

Jesús heijy: “Pingareko! Aijyserima! arupokui me'ẽãreiva pepenteĩ kuaretape ameẽ verã, haire japoa hepykue jururea rãĩmi.

Apocalipsis 22:2

hokava yy hasa tape tenta mbyte'ẽvaipitei. Yy jajapy kyty ẽẽshu yvyrare pente jasyvapeñoĩ iava, jaishu 12 iava pente ãñope. I'akue meẽ tykove opambaa, hareka hokykue poryha mynguera verã opaite tenta vasure.

Apocalipsis 22:7

Pyhendu! “Aijyserima! Vy'apo henduva hareka japova ñee iko verã mbyparahava ko kuatiape”.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.