Apocalipsis 22:16 - NandevaBiblia

¹⁶ Jesús hei: “Amondo ajokueva, kova mbai tũpao retaipi hei verã. She rãnga huvisha vasu David ñymoñashi vekua; She hai jasytata kõĩ'ourã sapeva”.

Apocalipsis 22:16 Iomraidhean Croise

Mateo 1:1

Kova hai tyree arykaivare Jesucristo ndei ourã vekua, hai David hareka Abraham ñymoñashiare.

Mateo 2:2

haire pyrãndushu: “Mapera ĩme'ẽ Judiovare juhuvisha vasu oava? Ore heshaha kuarasy õhẽakyty jasytata sape'ẽherã, hãrã ouha omomba'eashu”.

Mateo 22:42

Pyrãndushu reta: Mbaivara perehe Cristo? Mbavaivi ñymoñavara hai? Haire heishu: David.

Mateo 22:45

David teiva rãnga heishu. “Sheja”? Hãmerã marã'irã David ñymoña hãndiapojy?

Lucas 1:78

Tũpa jyparekokue rupii, veru ñande vate araivi kuarasy arape mykõĩ ouva rãĩmi.

Lucas 20:44

Marãrapo Cristo David tay, ko David teiva heishu “Sheja”?

Romano 15:12

Isaías mbypara jyve: “Pũ'ãpo Isai hapo, ñyngarekohe verã opaite haimba Judiovare, haire hãrõpo'ẽshu reta”.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

2 Pedro 1:19

Kyrã rekoha hokava ñee Tũpa ĩñee mbeu'iare mbeu vekua, pyrãtakavi'õ hareka haikavipo pijasaka kaviherã. Kova hai mbai sapekava rãĩmi pyntuape sapeva, kõĩma ourãpeve hareka jasytata koĩ kyty jykuava õhẽpeve sape verã pyndypyape.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 1:4

She Juan, amymarãndu 7 tũpaore ẽvã Asiape: Pymyvãhẽ jyhaihukue hareka pyavapy ouva, haiñoĩva hareka haiva, hareka ou verã, hareka 7 espiritu ẽvã hai vapypya hỹnonde,

Apocalipsis 2:11

Japysava tyhendu Espiritu heiva tũpao retape: Opa õhẽkaviva ñyrãrõivi hasaveãmapo ñymano mokuehea.

Apocalipsis 2:17

Japysava tyhendu Espiritu heiva tũpao retape: Õhẽkaviva ñyrãrõivi ambyho'ukapokui maná ñomihareva ameẽpojyshu reta ita tĩĩva, mbyparahaheva tyree py'ahuva, mbavamba kuaava, koñeĩ me'ẽãshuvaĩpo kuaa.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;

Apocalipsis 22:11

Ma'ẽĩhe heko kavimba tijapoĩti hekopemba'õ; hareka ñakape mbai kya ĩmerea, tijapoĩti mbai kyava. Mbaikavivaĩ japo'ia, ma'ẽĩhe tijapoĩti; hareka heko kyamba, tijapoĩti mbai heko kyamba”.

Apocalipsis 22:20

Kova ñee mbeu'iva hei: “Añeteĩte rãnga aijyserima”. Amén! Ei Sheja Jesús!

Apocalipsis 22:6

Tũpa jokueva heishe: “Kova ñee hai añetevare hareka katu jairojaheva. Teja rãnga hai meẽ vekua Espiritu Tũpa ĩñee mbeu'ia retape, mbou hai jokueva mbyheshaka verã jokuerea retape ikoserimava”.

Apocalipsis 3:13

Japysa'ia, tyhendu Espiritu heiva tũpaore pevarã.

Apocalipsis 3:22

Japysa'ia, tyhendu Espiritu heiva tũpao retape.

Apocalipsis 3:6

Japysa'ia, tyhendu Espiritu heiva tũpao retape.

Apocalipsis 5:5

Haipe kuakuavare penteva heishe: “Avy jahe'o, maĩkavi Java Juda ñymoñashia, mburuvishavasu David ñymoñashi vekua, hai õhẽkavi ñyrãrõivi, kova kuatia pea verã hareka jora verã 7 sellore”.