Apocalipsis 22:11 - NandevaBiblia

¹¹ Ma'ẽĩhe heko kavimba tijapoĩti hekopemba'õ; hareka ñakape mbai kya ĩmerea, tijapoĩti mbai kyava. Mbaikavivaĩ japo'ia, ma'ẽĩhe tijapoĩti; hareka heko kyamba, tijapoĩti mbai heko kyamba”.

Apocalipsis 22:11 Iomraidhean Croise

Mateo 15:14

Pyma'ẽihe hai reta rãnga heshamba kũvãipiare, ĩrũ heshamba kũvaipiare raharea. Hãrã pente heshamba kũvãĩpia rahare ĩrũ heshamba kũvaipiarã, mokue ryheveãrapo oa yvykuape.

Mateo 21:19

Hãrã hesha pente igo jypy pe hỹmbeype'õ, ñymbojaherã mba'ẽã heshapy; koñeĩ hokykuerei. Haipe Jesús heishu igo jypy: Ynteñomapo ndi'iakui! Haipevãĩ igo jypy opa jipi.

Mateo 25:10

Hãma 5 kuñatãi kuamba ijupevare oho heka ñandy ova verã, vãhẽ ou temerã, ĩrũ kuñatãire kua ijupe haivare iche hãndi temerã, hãrã haivi õche ñymboty.

Mateo 5:45

kyrãrãpo iko pyndyhevi Peru tayre; hai rãnga mohẽ'ĩãrẽ kuarasy heko porãmba hareka heko kavivare. Hai rãnga mbyhaivihe heko kavivare hareka heko porãmbavare.

Mateo 5:6

Vy'apo opaite ñymbahy'iare hareka hekope ju'uheva, haipo meẽshu reta Tũpa potava.

Juan 8:21

Jesús heijyshu reta: She rãnga ahapo, hãrã shyrekapopikui. Tẽvã pymanopokui mbai porãmba pijapo vekuapy; pee pehoãpo, she aha verãpe.

Efesios 5:27

Cristo teivapo veru hãrã ñonopo hỹnonde pente tũpao verava hareka mashỹãva, opa hejava porãmba vekua, hareka pyrãtava hareka õĩheare heko kyamba verã, hekope kavi vata verã.

Colosenses 1:22

Cristo mano rupii kuareta rãĩmi. Hokava japo, pyndyverujy verã hỹnonde heko kyambape, mbai porãmba pijapombape hareka mbaimba mbojaha pyndyrevape.

2 Timoteo 3:13

Tẽvã kuaretare heko poshyva hareka pyrymbytavy'iare porã'ãĩtevepo jyraha reta, pyrỹmbytavy hareka yngavare mbytavyñoĩshu.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.

Apocalipsis 16:21

Haivi vate araivi oa amanda marẽrẽyva kuaretare ĩãrẽ, pohykue ajete 20 kiloreva, hareka kuaretare Tũpa hee jahe jyrehe, shara haire pevarã hokava amanda haimba ñunupa pohyiteveva.

Apocalipsis 22:3

Hoka tentape mba'etymapo jypejuva. Haipepo'ẽkui Tũpa vapypya hareka Avisha Ray, Tũpareĩ jyroja'iare mbyvetepokui.