Apocalipsis 21:8 - NandevaBiblia

⁸ Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 21:8 Iomraidhean Croise

Mateo 10:28

Avy pykyjeshi pyndyreteĩ juka verã, shara katuãpo juka pyndyrykove; koñeĩpo pykyjeshi Tũpa, katu jukava pyndyrykove hareka pyndyrete tata vasupe.

Mateo 25:25

Hãmẽ rãnga akyje hareka araha añoty yvype ndy kyrypoti, ko arujynde na'ãpova”.

Mateo 8:26

Jesús heishu reta: Marã'ĩrãra pykyje, kuaretare sa'i jyrojavare? Haipe Jesús puãrã hareka poshy ryheve heishu yvytukue hareka yykue, hãrã opa pyta kavijy.

Marcos 9:44

haipe tasore manoã hareka tata ove'ãĩtei.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

2 Tesalonicenses 2:9

Hokava heko porãmba'ia oupo Satanás mboryshurã rupii. Oupo tivisha ñymbaikatupe, mbai heshaha verã hareka mbai kavi heshaha verã añetemba ryheve,

1 Timoteo 4:2

Japoposhu kuaretare hova mokue'iare hareka japuvare heiva, katuveãma ñynotivare.

Tito 1:16

Hei reta kuaava Tũpa, tẽvã japovare rupii jykuahe reta heireii jyrerã; kuaretare heshatããshu reta hareka ñee henduã reta, ẽẽãshu mbai haikaviva japo verãre.

Hebreos 12:24

Jesure jyve, mbivache kaviva ñee me'ẽã py'ahuva hareka turuvyre kytyhaheva, hokava ijeta kavivehe Abel huvykue.

Hebreos 13:4

Opaiteva tymbyvete omendava ryheva hareka jyrekomavare avy timyngya; shara yngangava iko hãndia hareka yngava pota'ijya Tũpa mbijichepo.

1 Juan 2:22

Mbavara japureii'iva? Heiva Jesús haimbava Mesías. Hai rãnga hokava Cristo hyvaishorãrea, shara ñomire Teru hareka Tyray.

1 Juan 3:15

Opaite tyvy mymorãmbava hai puruka'ia, pee pikuaa puruka'ia katuãpo ĩmere tykove opamba.

1 Juan 5:10

Hãma Tũpa Tay rojava reko pyape kova mbe'uava. Ĩme'ẽ Tũpa rojambavarã, mbijapuma Tũpa, shara rojaã ñee Tũpa mbeuva Tay ryheva.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 2:11

Japysava tyhendu Espiritu heiva tũpao retape: Opa õhẽkaviva ñyrãrõivi hasaveãmapo ñymano mokuehea.

Apocalipsis 2:2

She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.

Apocalipsis 9:17

Kyrã ahesha shypaihupe'õ rãĩmi, kavaju oporeheare pitiarere ijochakapya hiero pyntava, hovyva, ijuva, hãrã kavaju ñakare mainy java, hareka juruivi mohẽ tata, tatãti hareka asufre.

Apocalipsis 9:21

Hokava kuaretare Tũpa jykoty potãã oujy hareka poiã puruka reta, hejãã pajekue, hareka manarõveãma verã, poiã kyrãrãĩ jyre.