Apocalipsis 21:6 - NandevaBiblia

⁶ Heijyshe: “Opama iko! She hai õñepyrõhea hareka opahea. Ju'uhe'ia, ameẽreiiposhu ñymbyupy verã yy õhẽ'õ tykove meẽva.

Apocalipsis 21:6 Iomraidhean Croise

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Juan 4:11

Taupe heishu: Sheja, mba'ety rãngaryre rynohẽpy verã yy, hareka kypevãĩ'ẽjy poso, maĩvirapo rỹnohẽkui hokava yy meẽva tykove?

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Romano 3:24

tẽvã Tũpa meẽ jyhaihukuepy mbaimbape ñanymbyheko kavi, mbyhepya ñandyrehe ñanynohẽajy verã Cristo Jesús japova rupii,

Romano 8:32

Hai haihuããmba ñandyhevi Tay, hãma ma'ẽĩmbahe mano ñandyrehe, marãrapo me'ẽã jyve ñande Tay hãndi, opa mbai mba'ety ñandeva?

1 Corintios 2:12

Me'ẽhãã rãnga ñande espiritu ko yvy'ĩãrẽ'ia, me'ẽã ñande Espiritu Tũpaivi ouva, jaikuaa verã mbai Tũpa ñandyparekorã meẽreii ñandeva.

1 Corintios 3:12

hãma ĩme'ẽ oo jypyre mupũãva ita vera ijuva, ita vera tĩĩva, maĩrã ita veravapy, yvyraivi, kapi'i hareka takuarape,

1 Corintios 3:21

Hãme rãnga avy mbava tiroja ijehe kuaretare japova rehe, shara opa mba'e hai pa'ãpova,

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 1:17

Hãrã aheshamarã, a'a yvype ipy hỹnonde manova rãĩmi. Tẽvã hai ipo jakata ñono sheãrẽ, heishe: Avy kyje, she hai õñepyrõhea hareka japyhea.

Apocalipsis 1:8

She hai jypy hareka japyhea, õñepyrõhea hareka japyhea, hei Tũpa ñymbai katuveva, hykove'ia, hykoveñoĩ'i vekua hareka ouserimava.

Apocalipsis 10:6

hareka meẽ ĩñee Tũpa opa ara ikova heepe, arykai japova arare hareka yvy, yyvasu hareka opa mbai ẽpyare hãrã hei: Tũpa hetaveãmapo hãrõ.

Apocalipsis 16:17

Tũpa jokueva shiuhea jycopa yvyture ñohẽ hareka õhe pente ñee hỹnatuva tũpaoivi, jyvapykaivi heiva: Opama iko!

Apocalipsis 22:13

She hai tynondeva hareka japyhea, oñepyrohea hareka opahea”.

Apocalipsis 22:17

Espiritu Tũpa ryheva hareka Avisha Ray hei: “Ei, Sheja Jesús!” Hareka opaite jasaka'õre tei jyve reta: “Ei Sheja Jesús!” Opaite ju'uheva, tou reta. Hareka pota houva, mbaimba mbyhevapepo hou yy meẽva tykove.

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.