Apocalipsis 21:3 - NandevaBiblia

³ Ahendu vapyhasepyaivi õhẽ pente hỹnatu heiva: “Kope ĩme'ẽ Tũpa ñytavernáculo kuaretare mbytepe ẽva. Ikopo hãndi reta, hai retapo henta'ĩrũre hareka Tũpateipo ẽẽ hãndi retakui Ñu Tũparã.

Apocalipsis 21:3 Iomraidhean Croise

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

2 Corintios 6:16

Mbaivaperapo haikavi'ẽ hãndi Tũpa hoo hareka tarã'ãngare ñemombai vasu ryheva? Ñande rãnga hai Tũpa ĩme'ia hoo, haiteiva rãnga hei: She aikopo hãndi reta, hareka avatapo haire mbyteipi. Hãma she haipo ñu Tũpa hareka hai retapo jyve shyrẽnta ĩrũre.

2 Corintios 6:18

Pee pevarã shepo haikui Teru, hãrã pee haipokui shyrayre hareka shyrajyre. Kyrã hei Ñandeja opaite mbaikatu ĩmereva.

1 Tesalonicenses 3:11

Tũpateiva hareka Ñandeja Jesucristo, typea ore tape ohoha pyndyreshahajy verã.

Hebreos 11:16

Tẽvã potañoĩ reta pente tenta haikaviva iko verã retape, jaishu, tenta mashyãva vate arape'õ. Hãme rãnga Tũpa notiã he'iashu verã haire ñu Tũpa, hareka ĩmere pente tenta myhẽvãha'õ haire pevarã.

Hebreos 8:10

Hokava ara hasamarã, kova ñee me'ẽãva ajapo hãndi verã Israelvare, kyrãpokui, hei Teja: Shiñee mbyparahava ãñonopokui ñakapy hareka ambyparapokui pya retape. She ãĩposhukui ñu Tũparã hareka hai retapokui shyrẽta ĩrũre.

Hebreos 8:2

hokava pai japo'ẽ verã añeteĩteva tavernakulo, Ñandeja japo vekua hareka ha'eã kuaretare japo vekua.

Apocalipsis 10:4

Ijetama 7 hy'apuva retarã, pota ambypara'are kuatia mishĩvamipe haire heiva, tẽvã vate araivi ahendu pente ñee heisheva: Avy mbeukui 7 hy'apuva heivare hareka avy ñono kuatiape.

Apocalipsis 10:8

Hãrã hoka ñee ahendu vekua, vate araivi ijetajy she hãrã hei: “Ekua, hekyshi kuatia mishĩĩvami, hoka Tũpa jokueva ipoivi, ñymboy'õ yvasu hareka yvy'ĩãrẽ”.

Apocalipsis 12:10

Haivi ahendu pente ñee hỹnatu araivi heiva: Ã'ẽ vãhẽma pyrỹmondoajepe verã, pyrãtãkue hareka Tũpa huvisha vasurã'ẽ verãpe, hareka ñy ñymbai katukue, shara ãña mohẽama vate araivi, ñandyryvyre arakuepe hareka pyharekue porãmba ijeta'ihea Tũpa hỹnonde.

Apocalipsis 21:7

Opaite poporãmba vekuaivi õhẽkaviva opa mbaipo me'ẽãshukui, hãrã sheepo haikui Ñu Tũpa, hareka haipo shyray.

Apocalipsis 22:3

Hoka tentape mba'etymapo jypejuva. Haipepo'ẽkui Tũpa vapypya hareka Avisha Ray, Tũpareĩ jyroja'iare mbyvetepokui.

Apocalipsis 7:15

Hãme rãnga ã'ẽ haire ẽẽ Tũpa vapypya hỹnonde, ara hareka pyhare ijokueka ñynõishu jytũpaope, Tũpa ẽẽpo hãndi reta hareka ñyngarekopohe.