Apocalipsis 21:22 - NandevaBiblia

²² Tenta hapype aheshãa tũpao, shara Teja, Tũpa ñymbaikatuva hareka Avisha Ray haitei tũpao.

Apocalipsis 21:22 Iomraidhean Croise

Mateo 24:2

Jesús heishu reta: Pyheshara opaiteva kova? Ãñete hai pee, penteãpo pytakui ita jyvohy'õ. Opaitepo oarã ñymbai.

Juan 10:30

Teru hareka She, penteĩ'õĩhã.

Juan 13:32

Hãrã she aheshaka Tũpa pyrãtãkuerã, Tũpa heshakapo jyve marãra shypyrãta, hareka areãpo kyrã japokui.

Juan 4:21

Jesús heishu: Nde taupe, shyroja, vãhẽserima ara mbaveama ou verã ko yvyturusure õmombaivasu verã Tũpa, hareka oho verã Jerusalenpe.

Juan 4:23

Tẽvã vãhẽma ara, ã'ẽvãĩpo ãñẽtẽite õmombai'iare Tũpa, õmombaishu verã Espiritupy hareka añetevape. Shara Tũpa kyrã pota õmomba'eashu.

Colosenses 1:19

Shara Tũpa mbyvyamba opaite ñymbaikatukue Cristo ẽẽherã.

Colosenses 2:9

Shara opaite Tũpa heko ẽẽhe Cristo hykove hareka hetere,

Apocalipsis 1:8

She hai jypy hareka japyhea, õñepyrõhea hareka japyhea, hei Tũpa ñymbai katuveva, hykove'ia, hykoveñoĩ'i vekua hareka ouserimava.

Apocalipsis 11:17

haire hei: Me'ẽha nde yry'ajetekue Yreja, Tũpa opa nymbaikatuva, haiñoĩva hareka haiva, hareka ou verã. Shara ndepopemaryre nymbaikatukue hareka reñepyrõma huvisharãrẽĩ ko yvy'ĩãrẽ.

Apocalipsis 14:4

Kova hai taupe ñyngyambaheare shara pokohãterihe. Kova reta hai Avisha Ray mi'ĩrũ jyrevare ohova reta kyty. Kova hai mondoajepevare kuaretare mbyteivi me'ẽãva kapyryva Tũpa pevarã hareka Avisha Ray.

Apocalipsis 15:3

Hareka haire pyrahe Moisés Tũpa jokuerea jypyrahe hareka Avisha Ray jypyrahe: Ojaĩã hareka mashyã opava rijapova Sheru Tũpa mbai katukue, heko kavi hareka haikavi ndyrape tentavasure Juhuvisha vasu.

Apocalipsis 16:14

Kova reta hai espiritu añare ryheva japova heshaha verã, õhẽ mbaty verã opaite yvy'ĩãrẽ'õ mburuvisha vasure Tũpa Opa ñymbaikatuva ñyrãrõ hãndi verã vãhẽma Tũpa pirĩmbivacheka jy'ararã.

Apocalipsis 16:7

Ahendujy pente ñee altarvive heiva: “Ẽẽ, Sheja Tũpa ñymbai katuva añetevape rãnga rĩpirĩmbivacheka hareka hekope kavi”.

Apocalipsis 19:15

Hãrã juruivi õhẽ kyse hãĩmbeva, mbyperepy verã opaite tenta vasure. Pỹrãtape ñumbuhuvishapokui, hãrã haiteipo uva ñami'õvã rãĩmi, he'ise Tũpa ñymbaikatukue ryheve poshyva.

Apocalipsis 4:8

Kova urũndy hykove'iare 6 kavi hypepo reta pepenteĩ, hesare oparupi ẽẽshu, opa ara hareka pyhare pyraherã hei: Santo, santo, santo, hai Teja Tũpa ñymbai katuva, hai hykoveñoĩ'ia, hykoveva hareka oujy verã.

Apocalipsis 5:6

Haivi ahesha vapyhaseape, urũndy ĩmeĩteri'iare hareka karai kuakuavare mbytepe, ñymbo'y'ẽ pente Avisha Ray jukahava rãĩmi vekua 7 ijuu ĩmere hareka 7 hesa, hareka hesare hai 7 Tũpa ijespiritu mondoha vekua oparupi yvy'ĩãrẽ.

Apocalipsis 7:15

Hãme rãnga ã'ẽ haire ẽẽ Tũpa vapypya hỹnonde, ara hareka pyhare ijokueka ñynõishu jytũpaope, Tũpa ẽẽpo hãndi reta hareka ñyngarekopohe.

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.