Apocalipsis 21:10 - NandevaBiblia

¹⁰ Hãrã Tũpa Espiritupe ahesha shyresape ouva, Tũpa jokueva shyrahajy pente yvyturusu vate'õpe, shymbyheshaka verã tenta tivishava kyamba Jerusalén, vate araivi vejyva, Tũpa ẽvãivi.

Apocalipsis 21:10 Iomraidhean Croise

Hechos 8:39

Haivi yy õĩjymashi retarã, sapy'aĩ Espiritu Tũpaivi ouva, ou rahashu Felipe, hãrã karai eunuco hesha veamashu; tẽvã vy'a ryheve ohojy pehupi.

Galatas 4:26

Hoka tenta Jerusalen vate arapy'õ hai kova taupe haimba jokuearea, hokava hai opaiteva ñandesy.

Apocalipsis 1:10

Ãĩme ãĩ Espiritupy Ñandeja jy'arape, hãrã ahendu shaykue pente ñee hỹnatuva, trompeta ipukue rãĩmiva,

Apocalipsis 11:2

Tẽvã tũpao mangorava katoape'õ avy myhã'ãngahe, shara hokava me'ẽhashu Judiombare, haire pypyrõpohe tenta kyamba Jerusalen mbahapy ãño hareka ova jasyheape.

Apocalipsis 17:3

Haipe Tũpa jokueva shyresape ouvape Espiritu Santo shymbyheshakavape, ou shyraha yvy ikoambaipi, haipe ahesha pente taupe vapy'ia mymba ñarõva pyntavare, heta ĩmere ijehe tyree ñee porãmba Tũpa pevarã hareka ĩmembare 7 ñaka hareka 10 ijuukuere.

Apocalipsis 21:2

Hareka aheshajy tenta kyamba, Jerusalen py'ahuva, vate araivi vejyva, Tũpa ẽvãivi, myhẽvãhava tyrekorã ñymymashiãva, temerã vãhẽma ourã pevarã.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.

Apocalipsis 4:2

Haipevaĩ ahesha Espiritu Santo rupii pente vapyhasepya vate arapy, hokavape ĩme'ẽ vapy'õ.