Apocalipsis 20:6 - NandevaBiblia

⁶ Vyapo reta heko kyamba ñytynonde hykovejy verãre. Ñymano mokuehea jepyveãmapohe reta, koñeĩ pai ruvisha Tũpa ryhevaĩmapo hareka Cristo, hãrã mburuvisharãpo'ẽ hãndi 1.000 ãño.

Apocalipsis 20:6 Iomraidhean Croise

Lucas 14:15

Hendu hokavarã, pente mesape vapy'õ, heishu Jesús: Vy'apo karuva Tũpa ẽvãpe!

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

2 Timoteo 2:12

jyhasa'asykue jahasa kuaarã, ñaĩmepo hãndi hai ẽvãpe, ñañomi jareshurã hai ñanomipo jyve,

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

Apocalipsis 1:6

hai japo ñandyhevi mburuvisha vasu hareka paire, ñamba'apo verã Tũpa pevarã, haiva Jesucristo Tuu. Hĩmbipekue hareka mbaikatu ña'ãporãpo opa ara!

Apocalipsis 14:13

Hareka ahendujy pente ñee araivi ouva heisheva: Mbypara: Vy'apo manova koivi kutyve Ñandejare ẽẽva. Ẽẽ, kyrã hei Espiritu, putuumapo opa mbai japovaivi shara japo vekuare ẽẽ hãndi reta.

Apocalipsis 2:11

Japysava tyhendu Espiritu heiva tũpao retape: Opa õhẽkaviva ñyrãrõivi hasaveãmapo ñymano mokuehea.

Apocalipsis 20:14

Haivi mano hareka manovare ẽvape'õre momboha tata vasupe. Kova hai ñymano mokuehea.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 22:5

Haipe mba'etypo pỹntu, mba'etypojy ikotẽvẽhea sapeapya myhendy verã hareka kuarasy, shara Tũpa Teja haipokui jysapekare, hareka hairetapo huvisha vasurã'ẽkui opa ara pevarã.

Apocalipsis 22:7

Pyhendu! “Aijyserima! Vy'apo henduva hareka japova ñee iko verã mbyparahava ko kuatiape”.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.

Apocalipsis 5:10

Hareka Tũpa pevarã rijapo yryhevi mburuvisha vasu hareka paire, huvisha vasurãre iko yryhevi verã ko yvy'ĩãrẽ”.