Apocalipsis 20:3 - NandevaBiblia

³ Hareka mombo yvykua vasupe, haipe mboty'ĩãrẽ ñonojyhe pente sello õchere õhẽmba mbytavyjy verã tenta vasu retape opa mbotypeve 1.000 ãño. Haivi mbovy araĩpo jorahajykui.

Apocalipsis 20:3 Iomraidhean Croise

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Mateo 27:66

Haivi jyraha mboty reta tã'õve ñonoavape hõche hesha verã ĩme'ẽ peavarã. Hãrã haipe heja reta syndarore ñyngareko'ẽhe verã.

Marcos 4:15

Ĩme'ẽ timity oava pe hymbeype hokava hai Tũpa ĩñee hendutẽva, Satanas ou opa hekyjyshi ñee pyape ñotỹhãtẽva.

Lucas 8:31

Hãrã ko mbaiposhyre jurureshu Jesús, avy mondo verãre yvykua vasupe.

2 Corintios 11:3

Tẽvã akyje Eva ikoheva rãĩmi iko pyndyrehe verã, ãña mbytavyva rãĩmi, kyrãpo jyve pynymbytavyharã hareka syrypo pypyaivi jyhaihukue kyamba Cristo rehe piñanduva.

2 Pedro 3:8

Tẽvã shyryvyre ahaihuva, avy pyndysarehe kova: Ñandeja pevarã, pente ara 1000 ãño rãĩmishu hai, hãrã 1000 ãño pente ara rãĩmijyshu.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 13:14

Kova mymba ñarõva opa mbytavy kuaretare heshaha verã rupii, hejahashua japo verã mymba ñarõva tynondeiteva hỹnonde. Haivi ñonokajyshu reta japo verã pente mymba ñarõva tynondeva ha'ãnga, kyse pukupe mbyperea vekua, tẽvã manoã.

Apocalipsis 17:2

Opaite huvisha vasu yvy'ĩãrẽ'õre kyrãrãĩ'i hãndi reta, hareka opaite kuaretare ñymyngaupy vino kyrãrãĩ'ia ryhevapy.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Apocalipsis 20:1

Haivi ahesha pente Tũpa jokueva vate araivi vejyva. Ipopere pente llave yvykua vasu ryheva hareka pente kadena.