Apocalipsis 20:13 - NandevaBiblia

¹³ Hareka yyvasu meẽ opa manopy vekuare, kyrãĩ jyve ñymano hareka manovare ẽvãpe opa meẽ ẽẽpy vekuare, hareka pepenteĩ mbivachehaka haire japo vekuare.

Apocalipsis 20:13 Iomraidhean Croise

Mateo 11:23

Nde tenta Capernaumpe'õ, rimoãra ndurupiha jyve vate arapy? Mba'ety, nymombohapokui Ãña ẽvãpe. Shara tenta Sodomape kova mbaikavi heshaha verã japoha ndyreherã, ã'ẽpeve hokava tenta ĩmeĩtẽ'ẽ verã.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

1 Corintios 15:26

Tyvaisho koñemahea õhũndi verã hai, ñymano.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.

Apocalipsis 20:12

Ahesha jyve opa mano vekuare, ndeiva hareka sanjaymba, ñymboy ñynoĩ reta Tũpa hỹnonde; haivi pe'aha kuatiare. Pe'aha jyve yngava kuatia, haiva kuatia tykove ryheva. Mano vekuare mbivachehakahe kuatiape mbyparahaheva rãĩmi.

Apocalipsis 20:14

Haivi mano hareka manovare ẽvape'õre momboha tata vasupe. Kova hai ñymano mokuehea.

Apocalipsis 21:4

Tũpa opapo joheshi sayre, ẽẽveãmapo ñymano, mbairãmba hykũaĩ ñymbairasyjy verã, maĩrã jaheojy, hareka mbai hasyvamba ñandujy verã, shara arykai'ẽ vekua mba'etyma”.

Apocalipsis 6:8

Ãmaĩrã ahesha pente kavaju ijuva, ĩãrẽ vapy'ia hee “manova”, haykueivi ou mano vekuare ẽvãpe'õ me'ẽãshu reta mbaikatu juka verãre urũrũndy hendape'õ ko yvy ĩãrẽ'õre ñyrãrõpe, ñymbahype, mbairasype, hareka mymba ñarõvare yvy'ĩãrẽ õivi.