Apocalipsis 20:12 - NandevaBiblia

¹² Ahesha jyve opa mano vekuare, ndeiva hareka sanjaymba, ñymboy ñynoĩ reta Tũpa hỹnonde; haivi pe'aha kuatiare. Pe'aha jyve yngava kuatia, haiva kuatia tykove ryheva. Mano vekuare mbivachehakahe kuatiape mbyparahaheva rãĩmi.

Apocalipsis 20:12 Iomraidhean Croise

Mateo 11:22

Hãrã hai pee, ñimbivache arape, punũpahã pohyvepokui tenta Tiro, hareka Sidonpe vekuaivi.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Lucas 10:20

Tẽvã avy pyvya mbaiposhyre japo pee pereshuavarã, pyvy'apo jyve pyndyree ñonohãma vate arapy Tũpa ẽvãperã”.

Hechos 24:15

Hãrã haire rãĩmi, ĩme'are jyve ãhãrõva Tũpaivi, mano vekuare kuerajy verã, heko kyambare hareka heko porãmbavare.

Romano 2:6

Shara Tũpa pepenteĩpo meẽshukui japo vekuare rupii.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

2 Corintios 5:10

Shara opaitevapo ñaĩ Cristo hỹnonde, ñanimbivache verã, pepenteĩpo me'ẽãshukui hepykue ikoteri ko heteperã japo vekua, jaishu haikaviva maĩrã porãmbava.

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

Apocalipsis 11:18

Hãrã tenta vasure opa poshy, tẽvã ndyposhykue ouma hareka ara rĩmbivacheka verã mano vekuare, haivi mbaikavipepo rijopejy jyroja ndyryhevare hareka Tũpa ĩñee mbeu'ia retape, hekokavivare hareka opaite ndyree omombaiva reta, rỹmaĩmbaheape ñymbaikatu maĩrã mishĩĩra, hareka opapo rẽhundi jyve yvy opa ohundivare.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Apocalipsis 19:5

Haivi vapyhasepyaivive ñyhendu ñee heiva: Pymbyveteshu ñanu Tũpa opaite pee hai pymba'apopishua pykyjeshia ryheve, pundupukumavare hareka pynyndeiterivare!

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.

Apocalipsis 20:13

Hareka yyvasu meẽ opa manopy vekuare, kyrãĩ jyve ñymano hareka manovare ẽvãpe opa meẽ ẽẽpy vekuare, hareka pepenteĩ mbivachehaka haire japo vekuare.

Apocalipsis 20:15

Hareka heere ñonohãmbaa kuatia tykove ryhevape, momboha reta tata vasupe.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.

Apocalipsis 22:12

Jesús heijy: “Pingareko! Aijyserima! arupokui me'ẽãreiva pepenteĩ kuaretape ameẽ verã, haire japoa hepykue jururea rãĩmi.

Apocalipsis 3:5

Opa õhẽkaviva ñyrãrõivi, mondepokui mondeava tĩĩva hareka ambaiãpokui hee kuatia tykove ẽẽpyvaivi, heere ambeupo jyveshu Sheru hareka Tũpa jokuevare hỹnonde: