Apocalipsis 20:11 - NandevaBiblia

¹¹ Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.

Apocalipsis 20:11 Iomraidhean Croise

Mateo 11:22

Hãrã hai pee, ñimbivache arape, punũpahã pohyvepokui tenta Tiro, hareka Sidonpe vekuaivi.

Mateo 24:35

Ara hareka yvy opapokui, tẽvã shiñee opããpokui.

Mateo 25:31

Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.

Romano 2:5

Tẽvã ndypya tantaivi rĩmbeujyvyãhe porãmba vekuarã, rỹmbatypo ryraha ñunupa ndeii pevarã ara poshy pevarã, Tũpa heshakapokui ñimbivache hekope kaviva.

2 Pedro 3:7

Hareka ã'ẽ, hokava ñeeteiva Ñandeja rupii, ara hareka yvy ã'ẽva natuha tata pevarã pirĩmbivacheva arape, hareka kuaretare mbai porãmba japo'iare ohundi verã.

Apocalipsis 12:8

Katynga jepyãhe reta hareka me'ẽãveãmashu reta vate arapy'ẽ verãpe.

Apocalipsis 16:20

Opaite yy hỹmbey'õmi hareka yvyturusure opamba kañy.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

Apocalipsis 20:2

Ko Tũpa jokueva pysy mboi vasu, arykaiva mboi, haiva Ãña hareka Satanás, hareka ñapĩnti kadenapy 1.000 ãñopeve.

Apocalipsis 21:1

Hãme ahesha pente ara vate'õ py'ahuva hareka yvy py'ahuva, shara ara vate'õ hareka yvy tynonde ẽvãre mba'etyma, kyrãĩjy yyvasure.

Apocalipsis 21:5

Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.

Apocalipsis 4:2

Haipevaĩ ahesha Espiritu Santo rupii pente vapyhasepya vate arapy, hokavape ĩme'ẽ vapy'õ.

Apocalipsis 6:14

Hãrã ara syryjy ẽvaivi kuatia mbapu'ahajya rãĩmi, opaite yvyturusu hareka yy hỹmbey'õmi ẽvã rãĩmi yngaty rahajy.