Apocalipsis 2:5 - NandevaBiblia

⁵ Hãma nymanduapohe mapera reajy, eijy jykoty Tũpa, tynondeite rikova rãĩmipo rikojy. Rijapoã kyrãrã ahekypo ndyhevikui nytataĩndy hyru hendaivi, reijyvyã Tũpa jykotyrã.

Apocalipsis 2:5 Iomraidhean Croise

Mateo 5:14

Pee rãnga hai mbai sapeva ko yvy'ĩãrẽ. Pente tenta yvyturusu ĩãrẽ'õ katuãpo heshahã.

Mateo 5:15

Myhendyhã lampara ñonoã verã mbai hyrupe, vateñoĩ ñonohã, sapehe verã opaite o'ipe õre.

Marcos 12:9

Haivi Jesús pyrãndu: Mbaivara pimoa japo uva rẽnda ija? Oupo opa juka mba'apo'iare, hareka meẽpo ju'uva rẽnda yngava retape.

Lucas 1:17

Ko Juan vãhẽpo ndeiteri Cristo ourã, Tũpa ĩñee mbeu'ia Elías espiritu hareka mbaikatu ryheve, mbypya kavi verã tuure tayre hãndi, hareka mboi verã ñee hendumbare, ñee hendu verã. Kyrãpo myhẽvã hai henta ĩrũre Ñandeja pevãrã.

Lucas 20:16

Ohorapo opa jujuka mba'apo'õva retape, hareka meẽraposhu ju'uva rẽnda yngavape. Haire henduma kovarã hei jyre: Avy kyrããva tiko!

Galatas 5:4

Ĩme'ẽ peeva pota ijoheva Tũpa hỹnonde japo'i Moisés mbypara vekuarã, hoka kuareta syrymashi Jesucristo hareka mbijiche Tũpa jyhaihukue.

Filipenses 2:15

Iko pyndyhevi verã mbaimba heshahahea hareka jyrojamba ijeheva, Tũpa tayre rãĩmi kuareta ñarõva hareka mbai porãmba japo'iare mbyteipi, haipepo pinihimbipekui jasytata vate'õre rãĩmi.

Hebreos 10:32

Pynymanduapohe ara hasa vekuare, hãĩrã Cristo ryheva pikuaarã hareka mbaretepe pijepyhe jyhasa'asy ojaimbava.

2 Pedro 3:17

Hãme rãnga shyryvyre ahaihuva, opama pikuaa kova mbaire, pingareko pindijehe avy heko porãmbare pynymbytavykui hareka pirojakuepe haikavipeĩva pypoi pirojahekui Tũpa.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.

Apocalipsis 1:20

Hokava kuaahamba 7 jasytata ryhesha vekua shepo shakatape, he'iseva hai Tũpa jokuevare 7 tũpaore, hareka 7 tataindy hyrure ita vera ijuva ryheshava hai 7 tũpaore.

Apocalipsis 16:9

Opaiteva oke reta hakukuepy, tẽvã oujyvyã reta Tũpa jykoty hareka pyraheĩmbatẽshuare. Jahehe reta Tũpa, mbaikatu ĩmerea jepyhe verã mbairasy porãmba.

Apocalipsis 2:16

Hãrã japojy haindeva, shara rijapoã hokavarã narẽ'ãĩtepo ahandekui, hareka ãĩrãrõpo hãndi retakui kyse pukuvapy shijuruivi õhẽva.

Apocalipsis 2:19

She aikuaa rijapova, rypyryhaihukue, rirojakue, hareka rỹpyrỹmboryva hareka rỹhãrõkuaa, aikua rijapove tynondeite rijapo vekuaivi.

Apocalipsis 2:2

She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.

Apocalipsis 3:19

She rãnga ãĩngãtashu hareka anupa opaite ahaihuvare. Hãrã ñymykyrẽy hareka eijy Tũpa jykoty.