Apocalipsis 2:26 - NandevaBiblia

²⁶ Opaite õhẽkaviva ñyrãrõivi hareka japova aipotava ara japyapeve, ameẽposhu mbai katukue reko verã tentavasu retare,

Apocalipsis 2:26 Iomraidhean Croise

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 24:13

Tẽvã tãtangatu ẽẽva japypeve, ohojepepokui.

Juan 6:29

Jesús heishu reta: Kova hai Tũpa potava, pirojahe hai mbou vekua.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Romano 8:37

Opa mbaipe mba'ety jepy ñandyreheva, Jesucristo rupii ñandyraihu vekua.

1 Tesalonicenses 3:5

Hãme rãnga, katuveama ãhãrõrã ãmondo Timoteo, shara aipota aikuaa ĩmeĩrateritẽ piroja. She rãnga akyje Ãña japokajype verã mbai porãmbava hareka opaite pyhejareijy verã japoha pyndyrehe vekua.

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.

Santiago 2:20

Avy mbaimba kuaava rãĩmi'i, rikuããra jyrojakue ohoã hãndi jajapovarã, mbaivapeã haikavirãme?

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

1 Juan 3:23

Hãrã hai potava hai kova: Jaroja verã Tay Jesucristo hee hareka jaijyhaihupo opaiteva hai jurure ñandeva rãĩmi.

1 Juan 5:5

Opaite rojava Jesús haiva Tũpa Tay, jepyhe ko yvy'ĩãrẽ'õ.

Apocalipsis 2:11

Japysava tyhendu Espiritu heiva tũpao retape: Opa õhẽkaviva ñyrãrõivi hasaveãmapo ñymano mokuehea.

Apocalipsis 2:17

Japysava tyhendu Espiritu heiva tũpao retape: Õhẽkaviva ñyrãrõivi ambyho'ukapokui maná ñomihareva ameẽpojyshu reta ita tĩĩva, mbyparahaheva tyree py'ahuva, mbavamba kuaava, koñeĩ me'ẽãshuvaĩpo kuaa.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Apocalipsis 21:7

Opaite poporãmba vekuaivi õhẽkaviva opa mbaipo me'ẽãshukui, hãrã sheepo haikui Ñu Tũpa, hareka haipo shyray.

Apocalipsis 22:5

Haipe mba'etypo pỹntu, mba'etypojy ikotẽvẽhea sapeapya myhendy verã hareka kuarasy, shara Tũpa Teja haipokui jysapekare, hareka hairetapo huvisha vasurã'ẽkui opa ara pevarã.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.

Apocalipsis 3:5

Opa õhẽkaviva ñyrãrõivi, mondepokui mondeava tĩĩva hareka ambaiãpokui hee kuatia tykove ẽẽpyvaivi, heere ambeupo jyveshu Sheru hareka Tũpa jokuevare hỹnonde: