Apocalipsis 2:23 - NandevaBiblia

²³ Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.

Apocalipsis 2:23 Iomraidhean Croise

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Lucas 16:15

Hãrã Jesús heishu reta: Pee rãnga pere pindijehe heko kaviva kuaretare hỹnonde, tẽvã Tũpa kuaa'ẽ pyndypya; hareka kuimbaire mbytepe mbai vasuva rãĩmi rekohava, hokava hai mbai porãmba'eiteve vekua Tũpa hỹnonde.

Juan 21:17

Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.

Juan 4:16

Jesús heishu: Ekua mbeushu neme, hareka eii hãndikui kope.

Hechos 1:24

Haipe jurure retarã hei: “Sheja nde opa rikuaa typyare. Heshaka ore mbavara ko mokue'õre rypyhyrõva,

Romano 14:12

Kyrãrã pepenteĩpo ñaĩkui Tũpa hỹnonde ñanimbivache verã.

Romano 8:27

Hãma Tũpa opa maĩ kavihea ñandypyape'õ, kuaa mbaivara Espiritu pota hei, shara Tũpa potava rãĩmi jurure'ĩãrẽ opaite jyrojava kyambare.

2 Corintios 5:10

Shara opaitevapo ñaĩ Cristo hỹnonde, ñanimbivache verã, pepenteĩpo me'ẽãshukui hepykue ikoteri ko heteperã japo vekua, jaishu haikaviva maĩrã porãmbava.

Galatas 6:5

Shara Tũpa hỹnonde pepenteĩpo japo, ha'ei japo verã.

Hebreos 4:13

Hãrã mba'ety Tũpa japo vekua kañyshi verã; shara Tũpa opa kavipo hesha hareka mbava hỹnonderãpo opa ñambeukui jajapo vekuare.

1 Pedro 1:17

Pee pyhẽno “Sheru” Tũpaperã, mbivachekava pepenteĩ mbai japova rehe mbavapemba mbivavyva, pikoteri ko yvy'ĩãrẽrã pykyjeposhi Tũpa.

Apocalipsis 2:11

Japysava tyhendu Espiritu heiva tũpao retape: Opa õhẽkaviva ñyrãrõivi hasaveãmapo ñymano mokuehea.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

Apocalipsis 20:12

Ahesha jyve opa mano vekuare, ndeiva hareka sanjaymba, ñymboy ñynoĩ reta Tũpa hỹnonde; haivi pe'aha kuatiare. Pe'aha jyve yngava kuatia, haiva kuatia tykove ryheva. Mano vekuare mbivachehakahe kuatiape mbyparahaheva rãĩmi.

Apocalipsis 20:13

Hareka yyvasu meẽ opa manopy vekuare, kyrãĩ jyve ñymano hareka manovare ẽvãpe opa meẽ ẽẽpy vekuare, hareka pepenteĩ mbivachehaka haire japo vekuare.

Apocalipsis 22:12

Jesús heijy: “Pingareko! Aijyserima! arupokui me'ẽãreiva pepenteĩ kuaretape ameẽ verã, haire japoa hepykue jururea rãĩmi.

Apocalipsis 6:8

Ãmaĩrã ahesha pente kavaju ijuva, ĩãrẽ vapy'ia hee “manova”, haykueivi ou mano vekuare ẽvãpe'õ me'ẽãshu reta mbaikatu juka verãre urũrũndy hendape'õ ko yvy ĩãrẽ'õre ñyrãrõpe, ñymbahype, mbairasype, hareka mymba ñarõvare yvy'ĩãrẽ õivi.