Apocalipsis 2:18 - NandevaBiblia

¹⁸ Mbyparashu Tũpa jokueva tũpao Tiatirape'õ: Kyrã hei Tũpa ray, hesa tata hendyva rãĩmiva hareka ipy bronce verava rãĩmiva.

Apocalipsis 2:18 Iomraidhean Croise

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Mateo 27:54

Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

Lucas 1:35

Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:49

Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.

Juan 10:36

Tũpa shypyhỹrõ hãrã shymbou yvy'ĩãrẽ: Hãmera marã'ĩrã pere, she aijeta porãmbahea, Tũpa Tay she hairãme?

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Juan 3:18

Tũpa tay jyrojahea, jyvarehãpohe; tẽvã jyrojambahea jyvareapohe, shara rojãã Tũpa Tay penteĩ'ia.

Juan 5:25

Ãñeteĩte hai pee, ouma ara hareka ã'ẽvãĩpo, manovare hẽndukui Tũpa Tay ĩñee hareka hẽndushua kuerajypokui.

Hechos 16:14

Hãrã pente taupe Lidia he'iashua, tenta Tiatirape'õ mondeava pynta hũũva hepyva õvẽnde'õ Tũpa õmombai'ia, jasaka kavi'ẽhe Pablo ijeta'ẽrã, hãrã Ñandeja peashu pya jasaka kavihe verã Pablo hei'õva.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Romano 1:4

tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Romano 8:32

Hai haihuããmba ñandyhevi Tay, hãma ma'ẽĩmbahe mano ñandyrehe, marãrapo me'ẽã jyve ñande Tay hãndi, opa mbai mba'ety ñandeva?

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 2:1

Mbyparashu Tũpa jokueva tũpao Éfesope'õ: Kyrã hei 7 jasytata ipo jakataperea, hareka ikova 7 tataĩndy hyru ita vera ijuva mbyteipi:

Apocalipsis 2:24

Tẽvã pee Tiatirape peĩva, pehombahipia hokava pyrỹmbo'eahea hareka pikuamba haire mbyhee vekua Satanás japokava ñemiãpe'õ, hai pee: Añonoveãmapo peãrẽ ĩrũ mbai pohyva.