Apocalipsis 19:20 - NandevaBiblia

²⁰ Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 19:20 Iomraidhean Croise

Mateo 7:15

Pingareko pindijeheshi Tũpa ĩñee mbeu rã'ãnga'iare. Avisha rãĩmi jyverupe peĩvape, tẽvã pyape avaravasu ñarõ vekua rãĩmi.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.

Apocalipsis 17:12

“10 ijuu ryhesha vekua rãnga 10 mburuvisha vasu ndeiteri ñymyhendava mburuvisha vasu rãĩmi, ĩmepore hãndi pente ora mbaikatu mymba ñarõva.

Apocalipsis 19:19

Haivi ahesha mymba ñarõva, yvy ĩãrẽ'õ mburuvisha vasure hareka ñysyndarore ñymbaty ñyrãrõ verãre.

Apocalipsis 20:10

Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.

Apocalipsis 9:17

Kyrã ahesha shypaihupe'õ rãĩmi, kavaju oporeheare pitiarere ijochakapya hiero pyntava, hovyva, ijuva, hãrã kavaju ñakare mainy java, hareka juruivi mohẽ tata, tatãti hareka asufre.