Apocalipsis 19:12 - NandevaBiblia

¹² Hesare tata hendyva rãĩmi; ñakare hetare tankare ñonoava, hareka ĩmere tyree mbyparahava mbamba kuava, Ha'iĩ koñeĩ kuaa.

Apocalipsis 19:12 Iomraidhean Croise

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Mateo 21:5

Pereshu Sionpe'õre: “Pymaĩhe, kõõ ou punduruvishavasu mbirikare, mbirikamire, jyrojamba ijeheva”.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Lucas 10:22

Opa mba'e Sheru ñono shepope. Mba'ety kuaava mbavara hai Tyray, koñeĩ Teru, hareka mba'ety kuaava mbavara hai Teru, koñeĩ Tyray, hareka pota kuaakashuare kuaakaposhu Tay.

Juan 17:11

She rãnga ãĩmeveamapo'ãĩ ko yvy'ĩãrẽ; tẽvã haire ĩmeteripo'ẽ ko yvy'ĩãrẽ, hãrã she ahapo nde rẽivape. Sheru heko Kyambava, ñyngarekohe reta nymbaikatukuepy nde rỹmeẽshe vekuare, pente ñeepejyre verãre ñande jaikova rãĩmi.

Juan 17:12

She ãĩme'ãĩ hãndi reta ko yvy'ĩãrẽrã, ãĩngarekohe ndyreepe rỹmeẽ she vekuare, hareka ãingarekohe reta. Hãrã mba'ety hairetava kañy shyheviva, koñeĩ pente kañy, hekope kavi iko verã mbyparahavapy'õ heiva.

Efesios 1:21

hokava mbaikatupy, Tũpa opa meẽshu Cristo opaite mbaikatu espiritupy opaite ĩmereva, hareka opaite mburuvisha, hareka opaite õĩva ko yvy jerekuepy hareka py'ahu ou verã.

Hebreos 2:9

Tẽvã jahesha Jesús, kỹỹãmba mimishĩĩha Tũpa jokuerea retaivi, ñonohe hĩmbipekue hareka omomba'eha huvishavasu rãĩmi, shara heta hasa'asy hareka mano. Tũpa pyakavi rupii, heja hasa ñymanoipi opavare haikavishu verã.

Apocalipsis 1:14

Ñakahaa tĩjypy avisha haa rãĩmi, ovajy amanda tĩĩva, hareka hesare hãinypi tata hendyva.

Apocalipsis 12:3

Haivi jykuaajy ynga heshahava vate arare: Pente mboi vasukue pyntava, 7 ñakavare hareka 10 ijuureva, ñakare pepenteĩre tankare ñonoava.

Apocalipsis 13:1

Haivi aheshajy yyvasuivi õhẽ'ia pente mymba ñarõva 10 ijuureva hareka 7 ñaka, pepenteĩ ijuure ĩmere tankare ñonoava, hãme ñakare pepenteĩrejy mbyparahava pente tyree Tũpa jypejuheva.

Apocalipsis 19:16

Ñyponshore hareka iure mbyparahahe hee: “Mburuvisha vasure Juhuvisha Vasu hareka karaivasure Ija”.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.

Apocalipsis 6:2

Amaĩrã, ahesha pente kavaju tĩĩva. Hãrã ĩãrẽ vapy'ia veru ipope pente vyrapa, haivi me'ẽãshu pente tankare ñonoava, hareka õhẽkavi ñyrãrõivi hareka hykuaĩ õhẽkavijy verã ñyrãrõivi.