Apocalipsis 19:11 - NandevaBiblia

¹¹ Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

Apocalipsis 19:11 Iomraidhean Croise

Juan 1:51

Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 11:19

Haivi jypea Tũpa jytũpao hõche vate arape'õ, hareka jykuaa tũpaopy ñee me'ẽãva hyru. Ikoma sapuke vasu, hy'apuva, yvy opa ryryva hareka yvytu vasukue hãỹseveva.

Apocalipsis 19:19

Haivi ahesha mymba ñarõva, yvy ĩãrẽ'õ mburuvisha vasure hareka ñysyndarore ñymbaty ñyrãrõ verãre.

Apocalipsis 19:21

Hãrã opaite yngavare opa jukaha kyse pukuvape õhẽva kavajure'ia juruivi, hãrã vyrare opaite hỹvãtapy ho'okue.

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

Apocalipsis 4:1

Haivima amaĩjy vate araperã ahesha pente õche jypeava. Hãrã ñee tynondeite ahendu vekua trompeta rãĩmiva, heishe: Jupi kope ambishakaponde iko verã.

Apocalipsis 6:2

Amaĩrã, ahesha pente kavaju tĩĩva. Hãrã ĩãrẽ vapy'ia veru ipope pente vyrapa, haivi me'ẽãshu pente tankare ñonoava, hareka õhẽkavi ñyrãrõivi hareka hykuaĩ õhẽkavijy verã ñyrãrõivi.