Apocalipsis 18:9 - NandevaBiblia

⁹ Hãrã mburuvishare yvy'ĩãrẽ'õ kyrãrãĩ'i hãndiva hareka vya vasupe iko hãndi vekuare, jahe'opo hareka sapukepojyre heshama tatãti hendy'ẽhevarã.

Apocalipsis 18:9 Iomraidhean Croise

1 Timoteo 5:11

Tẽvã ĩme manoshiare kuñataĩteriare avytei tiñonoha kuatiape, hokava reta rãnga potama ynga rekojyrã mbijichejy Cristo.

Apocalipsis 14:11

Hareka jyhasa'asy hãtãtikuere jupi oho'ẽ opa ara. Mymba ñarõva hareka ha'ãnga omombaiva, putuveamapo arape hareka pynturã, opaĩ hai hee ñonokavare.

Apocalipsis 17:2

Opaite huvisha vasu yvy'ĩãrẽ'õre kyrãrãĩ'i hãndi reta, hareka opaite kuaretare ñymyngaupy vino kyrãrãĩ'ia ryhevapy.

Apocalipsis 18:18

Heshama reta tenta vasu okeva hãtãtĩkuerã, sapukejyre: Ĩmera'ẽjy ĩrũ tenta pyrãtava kova tenta ojaimbava rãĩmi?

Apocalipsis 18:20

Ryvy'apo nde ara vate'õ, pyvy'apo jyve pee heko kyambare, apostolre hareka Tũpa ĩñee mbeu'iare, shara Tũpa nũpamarã, japomape ñimbivacheva ryheva.

Apocalipsis 18:3

Shara opaite tenta vasure ñymyngaupy vino heko kyrãrãĩ'iapy; mburuvisha vasure yvy ĩãrẽ'õre kyrãrãĩ jyre hãndi, mavende'iare opa ikokatupy hai oparei mombo vekuapy.

Apocalipsis 18:7

Hai rãnga jyroja'ijehe hareka pya ohohe haikavivape iko verã; hãme ã'ẽ pymbyhasa'asyveshu hareka tijaheo. Shara hai pyape hei: “Kope avapy ãĩ huvisha vasu rãĩmi. Ha'ẽãshe ĩme manoshia hareka ahasa'asyãvãĩpojy”.

Apocalipsis 19:3

Haivi hykuaĩ heijy reta: “Aleluya! Hareka hai hãtãtĩkue, opa ara pevarãmapo”.

Apocalipsis 2:22

Hokava rehe aitypo turupape hareka amboupo jyhasa'asy tivishava, opaite kyrãrãĩ'i hãndiare, Tũpa kyty peijyvyãrã.