Apocalipsis 17:5 - NandevaBiblia

⁵ Syvare ĩmere pente tyree kuaahambateriva mbaivara he'ise: Babilonia ojaimbava, opaite kyrãrãĩ'iare ishy ko yvy'ĩãrẽ.

Apocalipsis 17:5 Iomraidhean Croise

Filipenses 3:19

Hokavare japyapepo jyvareahe retakui. Ñu tũpa ha'ĩĩ potaveshi reta, hareka japuhe reta notitẽ verãre. Yvy'ĩãrẽ õvaĩ pya mbijetahe reta.

2 Tesalonicenses 2:7

Shara ãñete ñemiãpeĩ heko porãmba'ia mymba'apokama'ẽ ñymbaikatukue; koñeĩ hãrõ syryshi verã mbyteivi jocha'õ.

Apocalipsis 1:20

Hokava kuaahamba 7 jasytata ryhesha vekua shepo shakatape, he'iseva hai Tũpa jokuevare 7 tũpaore, hareka 7 tataindy hyrure ita vera ijuva ryheshava hai 7 tũpaore.

Apocalipsis 11:8

Hetekuere jypypysopo oho tentavasu hape retaipi, hoka tentape Ñandeja kurusure mbysavavaha hãndi vekuape, mbyheea rã'ãngava Sodoma hareka Egipto he'iashuva.

Apocalipsis 14:8

Haivi ynga Tũpa jokueva moñarã, heijy: Oama, oama Babilonia tenta ojaimbava, opa myngauva tenta vasu retape pyrỹmyngaupya hoope potavaĩ.

Apocalipsis 16:19

Haivi yvyryryvasu tenta vasu opa mbijao mbahapy hendape, hareka tentare tenta vasu retaivi opaite japaku. Tũpa sareãhe Babilonia, mbyupy verã vino Tũpa poshykue pohyiteveva ryheva.

Apocalipsis 17:1

Haipema ou pente Tũpa jokueva 7 õva retaivi, 7 copa ĩmereare, hãrã heishe: “Ei tarỹmbyheshaka taupe kyrãrãĩ'ia ojaimbava yy vasu ĩãrẽ vapy'õ nupaha verã”.

Apocalipsis 17:2

Opaite huvisha vasu yvy'ĩãrẽ'õre kyrãrãĩ'i hãndi reta, hareka opaite kuaretare ñymyngaupy vino kyrãrãĩ'ia ryhevapy.

Apocalipsis 17:7

Haipe Tũpa jokueva heishe: Marã'ĩrãra mbyry rỹmaĩ? Ãmbeuponde mbaivara he'ise ko jaikuambava ryheshava, haiponde mbavara ko taupe, hareka mbavara hai mymba ñarõva 7 ñaka'ia hareka 10 ijuu'ia opo veruhea.

Apocalipsis 18:2

Hynatu sapuke, hãrã hei: O'ama Babilonia, tenta tivishava, ikomashi mbaiposhyre henta, opaĩ marãrãngatuva espiriture ikua hareka opaĩ marãrãngatuva vyra ky'ava hareka opaite mymba ñarõva.

Apocalipsis 18:21

Hãrã pente Tũpa jokueva pyrãtava hupi pente ita, trigo mungu'iapya rãĩmi marẽỹva, hareka momboma yy vasuperã hei: Kyrãpo pyrãtãkue ryheve opa ityha Babilonia, tentavasu ojaimba, hareka mbai arapemba ndyreshahajy verã!

Apocalipsis 19:2

Shara Tũpa pirĩmbivacheka hekopekavi hareka añetevape. Shara nupa kyrãrãĩ'ia ojaimbava opa mbyheko porãã opaite ko yvy jerekue heko kyrãrãĩ'i vekuapy. Tũpa jepyjyvehe mba'apo'ishuare opa juka'irã.

Apocalipsis 7:3

Heishu reta: Avy pijapohe porãmba yvy hareka yyvasure, maĩrã yvyra retare, opapeve myhã'angahashu syvare ñanu Tũpa ryhevare.