Apocalipsis 17:3 - NandevaBiblia

³ Haipe Tũpa jokueva shyresape ouvape Espiritu Santo shymbyheshakavape, ou shyraha yvy ikoambaipi, haipe ahesha pente taupe vapy'ia mymba ñarõva pyntavare, heta ĩmere ijehe tyree ñee porãmba Tũpa pevarã hareka ĩmembare 7 ñaka hareka 10 ijuukuere.

Apocalipsis 17:3 Iomraidhean Croise

Mateo 27:28

Haivi mondeva hekyshi retarã mymondeka reta pente mondeava pyntava,

Hechos 8:39

Haivi yy õĩjymashi retarã, sapy'aĩ Espiritu Tũpaivi ouva, ou rahashu Felipe, hãrã karai eunuco hesha veamashu; tẽvã vy'a ryheve ohojy pehupi.

2 Tesalonicenses 2:4

Hokava kuareta ñymbyvaishopohe Tũpa hee rahavare maĩrã pota omomba'eha hareka pyhyrõpo Tũpa jytũpaore hareka Tũpa rãĩmipo ijapo.

Apocalipsis 1:10

Ãĩme ãĩ Espiritupy Ñandeja jy'arape, hãrã ahendu shaykue pente ñee hỹnatuva, trompeta ipukue rãĩmiva,

Apocalipsis 12:14

Hãrã taupe me'ẽãshu mokue vyrachevasu hypepo, veveshi verã mbyry mboi yvy ikoambaipi ñyngarekoahe verãpe 3 ãño hareka 6 jasykavi.

Apocalipsis 12:3

Haivi jykuaajy ynga heshahava vate arare: Pente mboi vasukue pyntava, 7 ñakavare hareka 10 ijuureva, ñakare pepenteĩre tankare ñonoava.

Apocalipsis 12:6

Haivi taupe ñyvãhẽ yvy ikoambaipi, Tũpa myhẽvashu hendarã ñyngarekohe verã, haipe myngarupo 3 ãño hareka 6 jasykavi.

Apocalipsis 17:18

Hãrã taupe ryhesha vekua tenta ojaimbava ipope ĩmerea mburuvisha vasure yvy ĩãrẽ'õre”.

Apocalipsis 17:4

Hokava taupe mondere pyntahũva hareka pyntateiva. Ĩmere ita vera ijuva, ita mashyãvare hareka jyve perla hepyva mondevare hareka hetere. Ipope copa vera ijuva tynyhẽ'õ maĩnunga porãmba vekuare hareka kyava kyrãrãĩ'ipya.

Apocalipsis 18:12

ita verava ijuva, ita vera tĩĩva, ita mashyãva hareka perla, mondea verã tarapo pyrẽrĩva hareka ĩshiva, pyntahũũpya hareka pyntateiva; yvyra pishekatuva hareka opaite poryava marfilvi japoha vekua, opaite poryava yvyra mashyãvaivi japoha vekua, bronce, hiero hareka marmolvi;

Apocalipsis 18:16

Tenga, tengapo, nde tenta ojaimbava hareka nypyrãtava! Rĩmimonderiva mondeava pyrẽrẽrĩvapy, mondeava pyntahũũva hareka pyntateiva, rĩmymashyãva oropy, ita mashyãva hareka perla.

Apocalipsis 21:10

Hãrã Tũpa Espiritupe ahesha shyresape ouva, Tũpa jokueva shyrahajy pente yvyturusu vate'õpe, shymbyheshaka verã tenta tivishava kyamba Jerusalén, vate araivi vejyva, Tũpa ẽvãivi.

Apocalipsis 4:2

Haipevaĩ ahesha Espiritu Santo rupii pente vapyhasepya vate arapy, hokavape ĩme'ẽ vapy'õ.