Apocalipsis 17:2 - NandevaBiblia

² Opaite huvisha vasu yvy'ĩãrẽ'õre kyrãrãĩ'i hãndi reta, hareka opaite kuaretare ñymyngaupy vino kyrãrãĩ'ia ryhevapy.

Apocalipsis 17:2 Iomraidhean Croise

Juan 2:10

Hãrã heishu: Opava reta rãnga ñonokuei vino kapyryva karuvasu õñepyrõmarã, haivi hẽnohãkavare hetama hourã, ñonohãkuei vino porãnungambava. Tẽvã ndemba rỹnatu vino kapyryva ã'ẽpeve verã.

Apocalipsis 14:8

Haivi ynga Tũpa jokueva moñarã, heijy: Oama, oama Babilonia tenta ojaimbava, opa myngauva tenta vasu retape pyrỹmyngaupya hoope potavaĩ.

Apocalipsis 17:13

Mburuvisha 10 õre jyvachepo ĩmere retakui pota japova, hareka haire meẽposhu retakui mbaikatu mymba ñarõva.

Apocalipsis 17:17

Tũpa pyape ñonoshu reta haire potavẽĩ japo verã, shara pente ñeepe ñynoĩ meẽshu verãre mbaikatu mymba ñarõva opa ikopeve Tũpa hei vekua.

Apocalipsis 17:5

Syvare ĩmere pente tyree kuaahambateriva mbaivara he'ise: Babilonia ojaimbava, opaite kyrãrãĩ'iare ishy ko yvy'ĩãrẽ.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Apocalipsis 18:23

“Sapeveãmapo lampara, ñyhenduveãmapojy omendava ñymby'aretevare! Shara mavende'iare hai pyrãtava yvy'ĩãrẽ, tẽvã nde ndypajekuepe opa rymbytavy tenta vasu retape.

Apocalipsis 18:3

Shara opaite tenta vasure ñymyngaupy vino heko kyrãrãĩ'iapy; mburuvisha vasure yvy ĩãrẽ'õre kyrãrãĩ jyre hãndi, mavende'iare opa ikokatupy hai oparei mombo vekuapy.

Apocalipsis 18:9

Hãrã mburuvishare yvy'ĩãrẽ'õ kyrãrãĩ'i hãndiva hareka vya vasupe iko hãndi vekuare, jahe'opo hareka sapukepojyre heshama tatãti hendy'ẽhevarã.

Apocalipsis 2:22

Hokava rehe aitypo turupape hareka amboupo jyhasa'asy tivishava, opaite kyrãrãĩ'i hãndiare, Tũpa kyty peijyvyãrã.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.

Apocalipsis 9:21

Hokava kuaretare Tũpa jykoty potãã oujy hareka poiã puruka reta, hejãã pajekue, hareka manarõveãma verã, poiã kyrãrãĩ jyre.