Apocalipsis 17:17 - NandevaBiblia

¹⁷ Tũpa pyape ñonoshu reta haire potavẽĩ japo verã, shara pente ñeepe ñynoĩ meẽshu verãre mbaikatu mymba ñarõva opa ikopeve Tũpa hei vekua.

Apocalipsis 17:17 Iomraidhean Croise

Lucas 22:22

Ãñete kuareta Tay manoñõĩpo ñonoãshuva rãĩmi. Tẽvã, tengapokui meẽ vẽkua!

Lucas 22:3

Hãma Satanas iche Judas Iscariote pyape, hai jyve penteva 12 Jesús mboireare,

Lucas 22:37

Hai rãnga pee potanõĩ opa iko shyrehe hekope kavi kuatia mbyparaha vekuapy: “Heko porãmbava rãĩmi rekoha”. Shara opaite he'ia shyrehe vekua, opa iko oho'i.

Juan 10:35

Jaikuaa kavi rãnga mbyparahava, katumba mbairã ñambijicheva; Tũpa rãnga mbyhee tũpare, opaite ĩñee pysy vekuare.

Juan 13:18

Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.

Juan 13:2

Hãrã Jesús mboireare karuñynoĩ hãndivape, Ãña mijemaĩmba Juda Iscariote pyape, Simón tay, pysyka verã Jesús.

Juan 19:24

hãrã syndarore hei ijupe reta: Avy ñamyndoro, haikavivepo jaivareherã mbarapo raha. Kyrã iko hoka Mbyparahavapy'õ heiva: “Amonde vekua ñimbijaohe reta, ajasoiva jyvarehe reta mbarapo raha”. Kyrã katĩ japo reta syndarore.

Juan 19:28

Kova mbai opamarã, Jesús kuaama opa maĩnunga vãhẽma japyaperã, hareka iko verã Mbyparahavapy'õ heivarã, hei: Shu'uhe.

2 Corintios 8:16

Ãmeẽ shy'ajetekue Tũpape hai ñono Tito pyape she rãĩmi ojepy'apy pyndyrehe verãrã.

Apocalipsis 10:7

Vãhẽpokui ara Tũpa jokueva 7 hea õñepyrõ mbi'ipu verã trompeta hareka ikoma verã Tũpa japo verã ñemiãpereva, hai heishuva rãĩmi jokueva Tũpa ĩñee mbeu'ia retape.

Apocalipsis 15:1

Hareka ahesha ynga mbai heshahava arare ojaimbava hareka mbyry ma'ẽãhea: Hai 7 Tũpa jokuevare 7 mbairasy porãmba ryheva koñemaheva, hãrã akuavare opamarã opapo jyve Tũpa poshykue.

Apocalipsis 17:13

Mburuvisha 10 õre jyvachepo ĩmere retakui pota japova, hareka haire meẽposhu retakui mbaikatu mymba ñarõva.

Apocalipsis 19:9

Tũpa jokueva heishe: Mbypara kova: “Vy'apo opaite hẽnohakavare Avisha Ray omendavape”. Haivi heishe: “Kovare hai ñee añeteva Tũpa ryheva”.

Apocalipsis 6:11

Hãrã me'ẽhashu reta mondeava tĩĩva hareka he'iashu reta kỹỹmi putuujy verãre, opa manopeve mano verãre Tũpa heepe haire rãĩmi,