Apocalipsis 17:14 - NandevaBiblia

¹⁴ Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 17:14 Iomraidhean Croise

Mateo 22:14

Jesús poi ijeta verã hei: Hetavape rãnga hẽnoha, tẽvã mbovyi'ẽ pyhyrõãvare.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Romano 1:6

Hokava paũpe rãnga opama pee pinimĩjea jyve, hẽnoha Jesucristo ryhevarã.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

Romano 8:37

Opa mbaipe mba'ety jepy ñandyreheva, Jesucristo rupii ñandyraihu vekua.

1 Corintios 15:24

Haivipo ou ara japyma verãpe, Cristo opama õhũndi mburuvisha vasure, mbaikatu ĩmereare hareka pyrãtãkue, opa ñono verã Teru ipope, Tũpa ẽvãpe.

1 Timoteo 6:15

hareka jy'ara vãhẽmarã Tũpa heshakapokui. Tũpa hai ojaimba, koñeĩ'õ ñymbaikatuva, mburuvisha vasure Juhuvishavasu hareka huvishare Ija.

2 Timoteo 2:4

Mba'ety syndarorã'ia yngava maĩnunga japojy verã, shara juhuvisha heivaĩpo japoshu.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 11:7

Hãrã opama mbapy mbeuva Tũpa ĩñeerã, mymba ñarõva õhe yvykua vasu huvaivi ñyrãrõ hãndi reta, jepyhe retarã jukapo reta.

Apocalipsis 16:14

Kova reta hai espiritu añare ryheva japova heshaha verã, õhẽ mbaty verã opaite yvy'ĩãrẽ'õ mburuvisha vasure Tũpa Opa ñymbaikatuva ñyrãrõ hãndi verã vãhẽma Tũpa pirĩmbivacheka jy'ararã.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 2:13

She rãnga aikuaa Satanás vapyape rikorirã. Hareka ndysareã shyrehe, rirojañoĩ shyrehe, ara Antipas añeteĩte shyreshava jukaha pynymbyteperã, Satanás ikovape.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.