Apocalipsis 16:6 - NandevaBiblia

⁶ Shara ndyvaishore hetama juka nyrẽta ĩrũ heko kyambare, hareka Tũpa ĩñee mbeu'iare. Hãme rãnga ã'ẽ nde rỹmbyu reta turuvype, shara kyrãvaĩ heka reta”.

Apocalipsis 16:6 Iomraidhean Croise

Mateo 7:2

Papisha mbai porãmba pijapoheva rãĩmipo; Tũpa japo jyve pyndyrehekui.

Lucas 12:48

Jokueareva kuambavape mbai porãmba japova nupãha verã, saivepo nupãhã. Hãma hetave me'ẽãshuva, hetavepo jurureajyshu: Hareka hetave jyrojahahea, hetavepo jurureashu.

Hebreos 10:29

Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

Apocalipsis 11:18

Hãrã tenta vasure opa poshy, tẽvã ndyposhykue ouma hareka ara rĩmbivacheka verã mano vekuare, haivi mbaikavipepo rijopejy jyroja ndyryhevare hareka Tũpa ĩñee mbeu'ia retape, hekokavivare hareka opaite ndyree omombaiva reta, rỹmaĩmbaheape ñymbaikatu maĩrã mishĩĩra, hareka opapo rẽhundi jyve yvy opa ohundivare.

Apocalipsis 13:10

Ĩme'ẽ mbyperesoa verãrã, rahapo mbyperesoha, hareka kyse pukuvape jukaha verã, kyse pukuvapepo jukaha. Hokava he'ise Tũpa ryhevare ñyhãrõkuapepo hasa reta mbai hasyva hareka tantapo'ẽ jyrojakuepe.

Apocalipsis 13:15

Mymba ñarõva mokuehea me'ẽãjyshu mbaikatu meẽshu verã tykove mymba ñarõva tynondeva ha'ãngakue, tarã'ãnga ijeta hareka opa juka tarã'ãnga omombaimbashuare.

Apocalipsis 18:20

Ryvy'apo nde ara vate'õ, pyvy'apo jyve pee heko kyambare, apostolre hareka Tũpa ĩñee mbeu'iare, shara Tũpa nũpamarã, japomape ñimbivacheva ryheva.

Apocalipsis 18:24

Tũpa jahehe hokava tenta, hai rehe opa jukaha Tũpa ĩñee mbeu'iare, hareka hai pyhyrõvare, hareka jyve heta yvy'ĩãrẽ'iare”.

Apocalipsis 19:2

Shara Tũpa pirĩmbivacheka hekopekavi hareka añetevape. Shara nupa kyrãrãĩ'ia ojaimbava opa mbyheko porãã opaite ko yvy jerekue heko kyrãrãĩ'i vekuapy. Tũpa jepyjyvehe mba'apo'ishuare opa juka'irã.