Apocalipsis 16:15 - NandevaBiblia

¹⁵ Pymaĩ, manarõ'ia rãĩmipo aijy. Vy'apo shy'ãrõ õva hareka mondea natuva, mahẽ nanitei vãhẽashukui hareka heshaha ñynoti.

Apocalipsis 16:15 Iomraidhean Croise

Mateo 25:13

Haivi Jesús hei: “Pysareko katupeĩ, hareka avy peche shara pikuãã ara hareka ora kuareta Tay oujy verãpe”.

Mateo 26:41

Pysareko rãngapo avy peche hareka pirure, mahẽ peakui mbai porãmbape. Aikuaa pynykyrẽytẽ mbai haikaviva pijaporã, tẽvã pyndyroo kãngy.

Marcos 14:38

Avy peche, pirurekatu pijepyhe verã pyarãã ou verã, espirituara kyrẽyte mbai haikaviva japo, tẽvã pyndyroo kãngy.

Lucas 21:36

Pingareko pindijehe, hareka pimbo'e opa ara, peojepeshi verã ko mbai iko verã, hareka haikavi pẽĩverã kuareta Tay hỹnonde.

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

2 Corintios 5:3

hãrã hai ñandasoipo mondeava rãĩmi, potãã ñanynanitei japytarã.

1 Tesalonicenses 5:4

Tẽvã pee shyryvyre pimeã pẽĩ pyntuape, pyndysapya verã Ñandeja jy'ara, ouva manãrõ'ia rãĩmi.

1 Tesalonicenses 5:6

hãrã avy jache yngavare rãĩmi, jasareko hareka jaiko hekope kavi.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

2 Pedro 3:10

Jesucristo ara oujy verãpe manarõ'ia rãĩmipo pynturã oujykui. Arare opapo kañykui hy'apuvasua mbytepe hareka maĩnungare opapo oke.

Apocalipsis 22:7

Pyhendu! “Aijyserima! Vy'apo henduva hareka japova ñee iko verã mbyparahava ko kuatiape”.

Apocalipsis 3:11

Aijyserima. Ñyngarekokavihe ĩmeryreva, avy mbava typyhỹrõ ndyhevikui mbai tankare ñonoava iju verava.

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.