Apocalipsis 16:14 - NandevaBiblia

¹⁴ Kova reta hai espiritu añare ryheva japova heshaha verã, õhẽ mbaty verã opaite yvy'ĩãrẽ'õ mburuvisha vasure Tũpa Opa ñymbaikatuva ñyrãrõ hãndi verã vãhẽma Tũpa pirĩmbivacheka jy'ararã.

Apocalipsis 16:14 Iomraidhean Croise

Mateo 24:14

Kova Ñee Kaviva Mburuvisha vasurã vate araivi ouva ryheva, opa rupiipo mbe'uha ko yvy jerekue, opa henta'õre hendu verã. Haiperãpo, vãhẽkui ara opa verã.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Marcos 13:22

Shara oupo Cristo rã'angarã'ia hareka Tũpa ĩñee mbeu'ia japureiivare, hetapo japo mbai heshaha verã hareka mbaikavi heshaha verã pyrỹmbytavy verã, Tũpa pyhỹrõva retavepo mbytavy.

Lucas 2:1

Hokava arape, õhẽ kuatia huvisha Augusto Cesarvi, iko verã opaite kuaretare oho mbyparaka verã hee kuatiape hareka oa vekuape.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Romano 1:8

Tynondepo ameẽ Tũpape ajetekue pyndyrehe, Jesucristo rupii, shara oparupi mbe'uha jyrojakue pyrekoheva.

2 Tesalonicenses 2:9

Hokava heko porãmba'ia oupo Satanás mboryshurã rupii. Oupo tivisha ñymbaikatupe, mbai heshaha verã hareka mbai kavi heshaha verã añetemba ryheve,

1 Timoteo 4:1

Espiritu Santo rãnga hei kavi, ara japyape vãhẽserimarã, ĩmepo'ẽ poi jyrojaheva Tũpa, tykove japuvare heiva hẽnduposhu hareka japoposhu retakui mbaiposhyre pyrỹmboiheva.

Santiago 3:15

Kyrãva mbaikuaa ouã Tũpaivi hokava yvy'ĩãrẽ'õvaĩ, kuaretaivi ouva hareka ãñaivi.

1 Juan 5:19

Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 13:3

Mymba ñarõva penteva ñakare hãĩny ĩmerea mbyperehavape juka verã, tẽvã kuerajyhe. Opaite kuaretare mbyryitemaĩ hareka opa ohohipi mymba ñarõva.

Apocalipsis 16:16

Haivi espiritu porãmba opa mbaty mburuvishare pente hendape, hebreore ĩñeepe mbyheheava, Armagedon.

Apocalipsis 16:7

Ahendujy pente ñee altarvive heiva: “Ẽẽ, Sheja Tũpa ñymbai katuva añetevape rãnga rĩpirĩmbivacheka hareka hekope kavi”.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 20:8

Õhẽpo mbytavy verã opaite tenta vasu retape, Gogpe hareka Magogpe, hoka he'ise opaite tenta yvy'ĩãrẽ'õre. Ñymbatypo hokava tentape'õre ñyrãrõ hãndi verã; ñysyndarore katumba opa papahava yvy ku'i rãĩmi.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.

Apocalipsis 6:17

vãhẽ ara Tũpa hareka Avisha Ray jahe yryrehe verã, hãrã mba'etypo katu jepyhea.