Apocalipsis 16:10 - NandevaBiblia

¹⁰ Tũpa jokueva pandepohea hakuava jykopaivi mymba ñarõva vapypya ĩãrẽ, haivi huvisha vasurã'õpe opa pyntu, kuaretare hasyiteshu retarã ĩkure shutẽjyre.

Apocalipsis 16:10 Iomraidhean Croise

Mateo 13:42

Ajokuevare ityposhu retakui tatape, haipepo jaheorã hãi opa mbupururukui.

Mateo 13:50

hareka porãmba vekua itypo tatape. Haipe jaheorã hareka hãĩ mbupupurupo.

Mateo 22:13

Haivi mburuvisha vasu heishu jokuereare: “Pijokuashi ipy hareka ipo, pymombo katuape pyntuvape, haipe tijaheo hãĩre tyrorokua ijehe”.

Mateo 24:51

jokue'õ ñũpa pohyposhu hareka mondopo hova mokue'iare ẽvãpe. Hãrã haipepo jaheo hareka hãĩ mbupurupo'i.

Mateo 8:12

tẽvã tynõnde huvisha vasu vate arapy'õ ẽẽte verãre haipe, mohẽapo katuape hareka pỹntuape. Haipepo jaheo hareka hãĩre opapo pururu”.

Lucas 13:28

Haipe ẽẽpo jaheova, hareka tyrãĩ mbupupuruva pyheshama Abraham, Isaac, hareka Jacob perã, hai hoka Tũpa ĩñee mbeu'ia arykaivare Tũpa ẽvãpe'õ ryheva tẽvã pee pymohẽãpo katuape.

1 Pedro 2:17

Ñee pyhendu opava retape, pyhaihu pyndyryvyre Tũpa hoope'õ, pimoãshi Tũpa. Pijapo mburuvisha vasu heiva.

Apocalipsis 11:10

Opaite tentare horyĩpo jyrehe heshama manorã, haivi mondokapo ijupe reta ijopepy verã jukahava rehe, shara hoka mokue Tũpa ĩñee mbeu'iare kuaretare pevarã hai jyhasa'asy vasu porãmba.

Apocalipsis 11:2

Tẽvã tũpao mangorava katoape'õ avy myhã'ãngahe, shara hokava me'ẽhashu Judiombare, haire pypyrõpohe tenta kyamba Jerusalen mbahapy ãño hareka ova jasyheape.

Apocalipsis 11:8

Hetekuere jypypysopo oho tentavasu hape retaipi, hoka tentape Ñandeja kurusure mbysavavaha hãndi vekuape, mbyheea rã'ãngava Sodoma hareka Egipto he'iashuva.

Apocalipsis 17:17

Tũpa pyape ñonoshu reta haire potavẽĩ japo verã, shara pente ñeepe ñynoĩ meẽshu verãre mbaikatu mymba ñarõva opa ikopeve Tũpa hei vekua.

Apocalipsis 17:9

Ãrãndu ĩmereva kuaapokui kova: 7 tãkãre mbeu reta 7 yvyturusure taupe vapy'ẽhea hareka mbeu jyve 7 mburuvisha vasure.

Apocalipsis 18:2

Hynatu sapuke, hãrã hei: O'ama Babilonia, tenta tivishava, ikomashi mbaiposhyre henta, opaĩ marãrãngatuva espiriture ikua hareka opaĩ marãrãngatuva vyra ky'ava hareka opaite mymba ñarõva.

Apocalipsis 18:21

Hãrã pente Tũpa jokueva pyrãtava hupi pente ita, trigo mungu'iapya rãĩmi marẽỹva, hareka momboma yy vasuperã hei: Kyrãpo pyrãtãkue ryheve opa ityha Babilonia, tentavasu ojaimba, hareka mbai arapemba ndyreshahajy verã!

Apocalipsis 18:23

“Sapeveãmapo lampara, ñyhenduveãmapojy omendava ñymby'aretevare! Shara mavende'iare hai pyrãtava yvy'ĩãrẽ, tẽvã nde ndypajekuepe opa rymbytavy tenta vasu retape.

Apocalipsis 8:12

Tũpa jokueva urũndyhea mbi'ipu trompetarã, mbahapy hẽndahea kuarasy, jasy hareka jasytatare opa mambaiha. Hokava rehe mbahapy henda'õ hairetaivi hẽndyveã, hãrã sapeveã mbahapy henda arakuepe hareka pyharekue.

Apocalipsis 9:2

Peama yvykua vasu kypeva hõcherã, õhe tatãti tatakuavasu rãĩmi, hareka tatãti opa mypyntu kuarasy hareka kũvaĩpi.