Apocalipsis 15:4 - NandevaBiblia

⁴ Mbavara kyjeãpo ndyhevi, Teja, hareka nemomba'ẽãpo shara ndeiirẽĩ ndyreko kyamba hãme opaite tenta vasure oupo hareka nemombaipo shara hekopekavi rĩpirĩmbivache.

Apocalipsis 15:4 Iomraidhean Croise

Romano 15:9

Hareka haimbava Judiore jypareko rupii pyraheshu verã Tũpa, kuatia heiva rãĩmi: “Hãme rãnga ãrẽmombaipo tentare mbyteipi hareka apyrahepokui mbyrahere ndyreepe”.

1 Pedro 1:16

Shara Mbyparahava hei: “Yngai pikoshi porãmba vekuare, yngai aikoshiva rãĩmi porãmba vekua”.

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 14:7

Sapukerã hei: Pykyjeshi Tũpa hareka pemombai, shara vãhẽma ara hai pirĩmbivache verã hareka pemombaishu japova ara vate'õ, yvy hareka yy'vasu hareka yy õhẽ'õre.

Apocalipsis 16:5

Haivi ahendu Tũpa jokueva yy ija: “Tũpa, nde ndyreko kyamba, opa arañoĩ rikova, hekope kavi nde rijaheheva.

Apocalipsis 16:7

Ahendujy pente ñee altarvive heiva: “Ẽẽ, Sheja Tũpa ñymbai katuva añetevape rãnga rĩpirĩmbivacheka hareka hekope kavi”.

Apocalipsis 19:2

Shara Tũpa pirĩmbivacheka hekopekavi hareka añetevape. Shara nupa kyrãrãĩ'ia ojaimbava opa mbyheko porãã opaite ko yvy jerekue heko kyrãrãĩ'i vekuapy. Tũpa jepyjyvehe mba'apo'ishuare opa juka'irã.

Apocalipsis 19:8

Tũpa mymondekama mondehava pyrẽrĩva, kyambava hareka hĩmbipeva. Kova mondeava pyrẽrĩva he'ise Tũpa ryhevare kyambare hekopekavi japo vekua”.

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

Apocalipsis 4:8

Kova urũndy hykove'iare 6 kavi hypepo reta pepenteĩ, hesare oparupi ẽẽshu, opa ara hareka pyhare pyraherã hei: Santo, santo, santo, hai Teja Tũpa ñymbai katuva, hai hykoveñoĩ'ia, hykoveva hareka oujy verã.

Apocalipsis 6:10

Hãrã hỹnatu sapuke reta: Sheja heko kyamba hareka añeteva, mbaiperapo rĩmbivache hareka rỹmyngoviashu reta irijuka'i vekuare yvy ĩãrẽ ikovare?