Apocalipsis 15:1 - NandevaBiblia

¹ Hareka ahesha ynga mbai heshahava arare ojaimbava hareka mbyry ma'ẽãhea: Hai 7 Tũpa jokuevare 7 mbairasy porãmba ryheva koñemaheva, hãrã akuavare opamarã opapo jyve Tũpa poshykue.

Apocalipsis 15:1 Iomraidhean Croise

Apocalipsis 10:3

Hãrã hỹnatu sapuke, ñavãpỹnta karõrõva rãĩmi, hareka sapukerã, ñyhendu 7 ijetava hỹnatu hy'apuva rãĩmi.

Apocalipsis 11:14

Hokava hai jyhasa'asy vasu mokuehea, tẽvã mbahapyhea jyhasa'asy vasu ouserimajy.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.

Apocalipsis 14:19

Hãrã Tũpa jokueva mbyhasa jykyse japa haĩmbeva yvy ĩãrẽ, hareka opa jasyja uva heñovare yvy ĩãrẽ, hareka uva heñova i'akuere ñamiava, mohẽha tentaivi uva ñamiava, kova he'ise Tũpa poshykue. Uva ñamia vekua õhẽshi turuvy kavaju juru jokoapyapeve, 300 kilometro japy pukukue.

Apocalipsis 16:1

Hareka ñee hỹnatuva ahendu õhejy tũpaoivi heiva 7 Tũpa jokueva retape: Pekua pakuava 7 kopa yvy'ĩãrẽ.

Apocalipsis 17:1

Haipema ou pente Tũpa jokueva 7 õva retaivi, 7 copa ĩmereare, hãrã heishe: “Ei tarỹmbyheshaka taupe kyrãrãĩ'ia ojaimbava yy vasu ĩãrẽ vapy'õ nupaha verã”.

Apocalipsis 19:15

Hãrã juruivi õhẽ kyse hãĩmbeva, mbyperepy verã opaite tenta vasure. Pỹrãtape ñumbuhuvishapokui, hãrã haiteipo uva ñami'õvã rãĩmi, he'ise Tũpa ñymbaikatukue ryheve poshyva.

Apocalipsis 21:9

Haivi ou penteva 7 Tũpa jokuevare 7 copa ĩmereva tynyhe'õ koñemahe verã mbairasy porãmba, hareka heishe: “Ei kope; ãrỹmbyheshakapo tyrekorã, Avisha Ray hyrekorãpokui”.

Apocalipsis 8:13

Haivi ahesha pente vyrachevasu veve'ia ara mbytere, ahendu hỹnatu hei'i: Tenga, tenga, tengapokui! yvy'ĩãrẽ ikovare, mbahapy Tũpa jokuevare mbi'ipuma ñytrompeta retarã.

Apocalipsis 8:2

Haivi aheshajy 7 õ Tũpa jokuevare ñymbou ñynoĩvare Tũpa hỹnonde, hareka me'ẽãshu reta 7 trompeta.

Apocalipsis 8:6

Hãrã 7 õ Tũpa jokuevare 7 trompeta ĩmereare opa ñymyhẽva reta mbi'ipu verãre.

Apocalipsis 9:20

Kuaretare hembyva, mbairasy porãmba vekuaivi manombare, hejãã reta mbai porãmba japo vekuare, poimbaa omombaiva ãñare, hareka ta'ãngare japoava ita vera ijuvaivi, ita vera tĩĩvaivi, bronceivi, hareka yvyrava, katumba heshava kũvãipi hareka henduĩmba hareka vataĩmba.