Apocalipsis 14:7 - NandevaBiblia

⁷ Sapukerã hei: Pykyjeshi Tũpa hareka pemombai, shara vãhẽma ara hai pirĩmbivache verã hareka pemombaishu japova ara vate'õ, yvy hareka yy'vasu hareka yy õhẽ'õre.

Apocalipsis 14:7 Iomraidhean Croise

Mateo 25:13

Haivi Jesús hei: “Pysareko katupeĩ, hareka avy peche shara pikuãã ara hareka ora kuareta Tay oujy verãpe”.

Lucas 17:18

Koñyra tenta yngaivi ouvaĩ oujy õmombaishu Tũpa?”

Hechos 14:15

Kuimbaire, marã'ĩrãra kova pijapo? Ore rãnga kuareta peeva rãĩmi jyve ouha peveĩ rãnga veruhape verã Ñee kaviva, pijyhejama verã mbaimba vekuaivi, hãrã pijerejy verã Tũpa hykoveva jykoty, japo vekua ara, yvy, yyvasu hareka opaite ẽpyare.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

Apocalipsis 11:13

Haipekavi iko yvyryry vasu, hareka 10 jaty'õvaivi pente henda tentavasure opa japara, hoka yvyryry vasu 7 mil'õ opa juka, ĩmeĩtẽ'i vekuare opa kyje hãrã omombaishu reta Tũpa vate arape'õ.

Apocalipsis 11:18

Hãrã tenta vasure opa poshy, tẽvã ndyposhykue ouma hareka ara rĩmbivacheka verã mano vekuare, haivi mbaikavipepo rijopejy jyroja ndyryhevare hareka Tũpa ĩñee mbeu'ia retape, hekokavivare hareka opaite ndyree omombaiva reta, rỹmaĩmbaheape ñymbaikatu maĩrã mishĩĩra, hareka opapo rẽhundi jyve yvy opa ohundivare.

Apocalipsis 15:4

Mbavara kyjeãpo ndyhevi, Teja, hareka nemomba'ẽãpo shara ndeiirẽĩ ndyreko kyamba hãme opaite tenta vasure oupo hareka nemombaipo shara hekopekavi rĩpirĩmbivache.

Apocalipsis 16:9

Opaiteva oke reta hakukuepy, tẽvã oujyvyã reta Tũpa jykoty hareka pyraheĩmbatẽshuare. Jahehe reta Tũpa, mbaikatu ĩmerea jepyhe verã mbairasy porãmba.

Apocalipsis 18:10

Heshama ñunupa vasurã kyjeite retarã, mbyryĩpo ñynoĩshi hareka sapukepojyre: Tenga, tengaponde, tenta vasu Babilonia, tenta pyrãtai'i vekua, sapy'aitepemba vãhende jaheandyrehe verã!

Apocalipsis 18:17

Pente orapeĩ sapy'aite opashi reta mbai ikokatuahe vekua, opaite barco mbyvata'iare hareka barco oho'ipyare, barkope mba'apo iare hareka yyvasupe mba'apovare mbyryĩ opa pyta reta.

Apocalipsis 18:19

Haima ñono yvykui ñãkare, jaheo ryheve, hareka sapuke reta: Tenga, tengapo, tenta ojaimbava, ikokatukuepy opa ikokatu reta yy vasuhupi mavende'iare. Sapy'aitepe opa oñehũndi tenta vasu!

Apocalipsis 19:5

Haivi vapyhasepyaivive ñyhendu ñee heiva: Pymbyveteshu ñanu Tũpa opaite pee hai pymba'apopishua pykyjeshia ryheve, pundupukumavare hareka pynyndeiterivare!

Apocalipsis 4:11

“Yreja hareka Yreru, ndeñõi ẽẽ nde nemomba'ea verã, he'ia ndyrehe haikaviteva hareka ñymbai katuiteva; shara nde opa rijapo opa maĩnungare, nde ripotava rupii iko hareka japoha reta”.

Apocalipsis 4:9

Hãma urũndy hykove'iare mbyveteshu, omombaishu hareka jyvy'akue meẽshu vapyhaseape vapy'õ, opa ara hykovejy verãpe,

Apocalipsis 8:10

Tũpa jokueva mbahapyhea mbi'ipu trompetarã, pente jasytata marẽyva oa ara vateivi, tata hendyva rãĩmi, oa ĩãrẽ mbahapy henda'õ yy syryvare hareka yy õhẽ'õre ĩãrẽ.