Apocalipsis 14:6 - NandevaBiblia

⁶ Hareka aheshajy ynga Tũpa jokueva veve'ia ara vate'õ mbyteipi, ĩmereva opa ara Ñee Kaviva mbeu verã ko opaite tenta vasu retape, opaite ñymoñashia retape, opaite tiñeere hareka ñymoñavare hareka ĩñeevare hareka henta'õre.

Apocalipsis 14:6 Iomraidhean Croise

Mateo 10:27

Ko she haipeva pỹntuape, pymbeushu kuaretare ara kõĩvape; she papysapeĩ haipeva, oo ĩãrãvive pysapuke pymbeu.

Marcos 16:15

Haivi heishu reta: Pekua oparupi yvy jerekue, hareka pymbeu Ñee kaviva opava retape.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

1 Pedro 1:25

Tẽvã Ñandeja ĩñee hai opa ara pevarã, hãrã kova hai ñee py'ahu mbe'uhapeva.

Apocalipsis 10:11

Hãrã heishe reta: “Ñimiñehẽ ñee iko verã henta'õre jaheva, tentavasure, opaite tiñeere hareka huvishavasu retape”.

Apocalipsis 10:7

Vãhẽpokui ara Tũpa jokueva 7 hea õñepyrõ mbi'ipu verã trompeta hareka ikoma verã Tũpa japo verã ñemiãpereva, hai heishuva rãĩmi jokueva Tũpa ĩñee mbeu'ia retape.

Apocalipsis 13:7

Hareka ñonoãshu ñyrãrõ hãndi verã Tũpa ryhevare hareka jepyhe verã, hareka me'ẽãjyshu mbaikatu opaite kuareta ñymoñashiare, opaite henta'õre, opaite tiñeere hareka tenta vasure ĩãrẽ.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

Apocalipsis 8:13

Haivi ahesha pente vyrachevasu veve'ia ara mbytere, ahendu hỹnatu hei'i: Tenga, tenga, tengapokui! yvy'ĩãrẽ ikovare, mbahapy Tũpa jokuevare mbi'ipuma ñytrompeta retarã.