Apocalipsis 14:4 - NandevaBiblia

⁴ Kova hai taupe ñyngyambaheare shara pokohãterihe. Kova reta hai Avisha Ray mi'ĩrũ jyrevare ohova reta kyty. Kova hai mondoajepevare kuaretare mbyteivi me'ẽãva kapyryva Tũpa pevarã hareka Avisha Ray.

Apocalipsis 14:4 Iomraidhean Croise

Mateo 19:12

Hãrã heta mbai rehe rãnga kuimbaire hyrekoã; ĩme'ẽ oarãvãĩ ñymbairã hyrekomba verã, hãrã ĩme'ẽjy yngava omendambava shara kuareta ñymbai jeperã, tẽvã ĩme'ẽ omendambava shara huvisha vasu vate arapy'õ ryhevare mba'aporã. Hãrã ĩme'ẽ katu japovarã, tijapo.

Mateo 25:1

Hãrã ko huvisha vasu vate arapy'õ, ovapokui 10 kuñatãi hekyva ñymbai sapekare ñandype hareka oho verã omendavape, mi'ĩrũ verã temerã.

Mateo 8:19

Hãrã pente Moisés mbypara vekua pyrỹmboi'ihea ou Jesús ẽvaperã heishu: Pyrỹmboi'ia, she arĩmi'ĩrũpo maĩpi rehovaipi.

Juan 10:27

Shy'avishare kuaa shiñee, hareka she aikuaashu reta, hãrã haire ou shaykue.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 13:37

Haipe Pedro heishu: Sheja, marã'ĩrãra katũãpo ã'ẽ aha ndipikui? She ãĩjyve ãmano nendie verã!

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

1 Corintios 16:15

Shyryvyre pee pikuaakavi Estéfanas henta'ĩrũre hai tynondeite jyrojava Acayape, hareka haire mboryñynoĩ opaite ñandyryvy jyrojavare.

1 Corintios 6:20

Shara Tũpa hepyre pyndy'ova; hãme rãnga pemombaiposhu Tũpa pyndyretepe hareka pyndyrykovepe, hokava reta hai Tũpa ryheva.

1 Corintios 7:28

Tẽvã omendava japoãpo mbai porãmba, pente kuiñataĩ omendarã, japo'ãĩ jyve mbai porãmba. Tẽvã omendamavare hetapo hasa porãmba vekua, hokava aipotãã pyhasa.

2 Corintios 11:2

Shykateỹ rãnga pyndyrehe, shara kova Tũpaivi ourã; she rãnga pota apyrỹmbyrekoka, pente kuñataĩ pokoambaterihea rãĩmi, pentevaĩ pemerã verã, hokava hai Jesucristo.

Efesios 1:14

Espiritu Santo rãnga hai me'ẽã ñandeva Tũpa ña'apova meẽ verã, opama ñambapy kavi mbyhepya ñandyreheva ñanynohẽajy verã, omomba'ea vasushu verã.

Efesios 5:27

Cristo teivapo veru hãrã ñonopo hỹnonde pente tũpao verava hareka mashỹãva, opa hejava porãmba vekua, hareka pyrãtava hareka õĩheare heko kyamba verã, hekope kavi vata verã.

1 Timoteo 4:3

Haire potããpo mbava omendashi, hareka ĩmepo'ẽjy potamba ho'uashiare. Tẽvã Tũpa opaitevamba japo ho'uavare jau verã, hareka pya kavi'õ ryheverã. Opaiteva ñande jairojaheare pevarã japoha hareka jaikuaa añeteva.

Hebreos 12:23

hareka ñymbatyva Tũpa tay tynondevare mbyparahava vate arape. Tũpa teiva piñymbojahe, opavare mbivacheva, hareka piñymboja jyvehe kuaretare je'espiritu vate arape'õre mbyheko kaviamavare,

Santiago 1:18

Hai, kyrãmba pota meẽ ñande tykove ĩñee añeteva rupii, hai ñanymytynondeshi opaite hai japo vekua retaivi.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 21:22

Tenta hapype aheshãa tũpao, shara Teja, Tũpa ñymbaikatuva hareka Avisha Ray haitei tũpao.

Apocalipsis 21:23

Hareka tenta vasu ikoteveãhe kuarasy hareka jasy mykoĩ'ĩãrẽ verã, shara Tũpa hĩmbipekue sape'ẽhe hareka Avisha Ray hai ñymbai sapeka.

Apocalipsis 3:4

Tẽvã Sárdispe mbovyĩ'ẽ mondeva myngyambavare, hãrã hokavare mondeva tĩĩva ryhevepo iko shendie, shara kyrã'ẽ jyveshu retarã.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.