Apocalipsis 14:15 - NandevaBiblia

¹⁵ Hareka õhẽjy tũpaovi ynga Tũpa jokueva sapukeshu hỹnatu ãvãpynture vapy'õ: Ity ndykyse japa haĩmbeva jasyja ñotyãva, shara vãhẽma ara rỹmynoo verãpe hareka ñotyãva yvy'ĩãrẽ'õ opama javyje.

Apocalipsis 14:15 Iomraidhean Croise

Mateo 13:30

Haikavivepo pyma'ẽĩ pũã hãndi mỹno'õapeve, haipokui mba'apo ia retape tynonde poo verã ñanava hareka mambaty verãre hapyha verã, haivipo mbatyhakui trigo natũã verã.

Mateo 13:39

Ñana porãmbava ñotỹ'ia rãnga hai Aña. Ara mỹno'õha verãpe hai, ko yvy opa verã, mỹnoo'ia reta hai Tũpa jokuevare.

Mateo 23:32

Pijapoĩ pyraha opaite pynytynondevare õñepyrũ japo vekua!

Marcos 4:29

Haivi javyjemãrã myno'õhã, shara vãhẽma jy'ararã.

1 Tesalonicenses 2:16

hareka yryrejãã mbe'uhashu verã Ñee kaviva haimba Judiovare ohojepe verã reta jyve. Kyrã mbyhetave reta mbai porãmba japo vekuare. Tẽvã Tũpa jahemahe retarã javaitepokui.

Apocalipsis 11:19

Haivi jypea Tũpa jytũpao hõche vate arape'õ, hareka jykuaa tũpaopy ñee me'ẽãva hyru. Ikoma sapuke vasu, hy'apuva, yvy opa ryryva hareka yvytu vasukue hãỹseveva.

Apocalipsis 13:12

mymba ñarõva tynondeva mbyperearã manotẽ verã kuerajya hỹnonde ĩme'ẽrã, opaĩ pory jyve mbaikatu hai ĩmerea, hareka japoka yvy'ĩãrẽ opaite ikopyare omombaishu verã.

Apocalipsis 14:14

Hareka amaĩjy, ahesha pente ãvãpyntu tĩĩva hareka ãvãpyntu ĩãrẽ vapy'ẽ ovava kuareta Hĩnjapo, ĩmereva ñakare pente tankare ñonoava verava, hareka ipopere kyse japava haĩmbeva.

Apocalipsis 14:16

Hareka ãvãpyntu ĩãrẽ vapy'iva mbyhasa jykyse japa haĩmbeva hareka opa mynoo yvyivi.

Apocalipsis 14:17

Hareka õhẽjy ynga Tũpa jokueva tũpao vate arape'õvaĩvi, ĩmerea jyve pente kyse japa haĩmbeva timity mynoova.

Apocalipsis 14:18

Hareka õhẽjy ynga Tũpa jokueva altar ẽvãivi, ĩmereva pyrãta tata hendyvare hareka hỹnatu sapukeshu kyse japa haĩmbeva ĩmerea, heishu: Minje ndykyse japa haĩmbeva hareka opa jasyja uva yvy ĩãrẽ hẽñovare shara opama uva iare javyje!

Apocalipsis 15:6

Haivima õhẽ tũpaoivi 7 Tũpa jokuevare, ñymondeva mondeava kyamba hĩmbipeva hareka pitiare jerehe cinta ita vera ijuvaivi, haire ĩmere 7 mbairasy porãmba.

Apocalipsis 16:17

Tũpa jokueva shiuhea jycopa yvyture ñohẽ hareka õhe pente ñee hỹnatuva tũpaoivi, jyvapykaivi heiva: Opama iko!

Apocalipsis 6:10

Hãrã hỹnatu sapuke reta: Sheja heko kyamba hareka añeteva, mbaiperapo rĩmbivache hareka rỹmyngoviashu reta irijuka'i vekuare yvy ĩãrẽ ikovare?